Genesis 44:9 - Хӑнты Перевод Библии

⁹ Мӑты митхуйэн хŏща щи ан уйәтԓэн, щитэна сŏрәм, мўӈ пӑ кущайэва митйоха питԓув».

Genesis 44:9 ပူးပေါင်းရင်းမြစ်များ

Genesis 31:32

Хŏй хŏща ԓухԓан уйәтԓәԓан, щит ԓыԓӈа уԓты ӑт питәԓ; рутԓәмән уԓман ванты, мўй нӑӈ ŏтэн эԓты ма хŏщайэм уԓ, пӑ нӑӈена ўйи». Иаков ӑт уйәтсәԓы, щит Рахильән ԓоԓәпсайәт.

Genesis 43:18

Хŏйатәт пӑ пӑԓтамәсәт, хун Иосиф хота тусайәт, пӑ йастәсәт: «Тӑм хирԓува йŏхԓы пŏнәм щел ŏхԓув урәӈән ты тусайув, мўӈ хŏщайэв йŏвәртыты пӑ мўӈев иԓ катәԓты урәӈән, тынԓы-пелԓы ԋўрты урәӈән осёл войԓув пиԓән ты тусайув».

Genesis 44:10

Ԓўв йастәс: «Йӑм; хŏты нын йастәсты, щиты ат питәԓ: хŏй хŏща ан уйәтԓа, щит митхуйэма питәԓ, нын пӑ нўрәӈа ӑт питԓәты».

Genesis 44:16

Иуда йастәс: «Мўй мўӈ верәтԓув кущайэва йастәты? Мўй пŏтәртты? Мўй йŏхԓы йастәԓув? Митйохԓан накԓат Турәм уйәтсәԓы; ин мўӈ хŏԓ кущайэв митйохәт, мўӈ хŏԓ, пӑ щитэв, хŏйтэв хирән ан уйәтса».

Acts 25:11

Ма закон шŏппи ўшсэм ки пӑ сŏрәм ԓӑта мŏԓтты версәм ки, пӑрты эԓты шӑшән ӑт ўратԓәм; нэмәԓты ки щит ӑнтом, мўй урәӈән тӑметән мӑ нўрмәԓтԓайәм, нэмәԓты хŏйат мӑнэм ԓывиԓаԓа мӑты ӑт верәтәԓ. Кесарь сўт такан вохԓәм».