Genesis 37:9 - Хӑнты Перевод Библии

⁹ Щӑԓта кимет уԓәм па вантәс, йайԓаԓа пŏтәртсәԓы, щиты йастәс: «Щиты ус, ма уԓәм па ватсәм: хӑтәԓ пӑ тыԓәщ пӑ ихŏщйаӈ хус ма шŏмайэм, ŏх пŏнман, иԓ ԋўрсәт».

Genesis 37:9 ပူးပေါင်းရင်းမြစ်များ

Genesis 20:3

Атәԓән уԓәмән Авимелех хŏща Турәм йŏхтәс пӑ ԓўвеԓа йастәс: «Тӑм ими ўймен урәӈән нӑӈ сŏрма питԓән, ԓўв ики тӑйәԓ».

Genesis 37:10

Ащеԓа пŏтәртсәԓы пӑ йайԓаԓа ищи; ащеԓән ԉавәттәса пӑ йастәса: «Мўй щимәщ уԓәм нӑӈ ватсән? Мўй щирән ма пӑ нӑӈ аԋԏэн, пӑ нӑӈ йайԓан нӑӈ йэԓпенән мўв унты, ŏх пŏнман, иԓ ԋўрты йŏхәтԓув?»

Genesis 37:7

ԋаԋ тŏрән энәмты хӑр кўтәпән мўӈ ԋаԋ тŏрән мŏнталэт йӑрԓув; пӑ ма йӑрәм ԋаԋ тŏрән мŏнталэм нŏх ԓойәс пӑ тўӈа ԓойәс, нын ԋаԋ тŏрән мŏнталыԓән пӑ керәтман ԓойсәт пӑ ма йӑрәм ԋаԋ тŏрән мŏнталэм пеԓа, ŏх пŏнман, иԓ ԋўрсәт».

Genesis 37:8

Йайԓаԓ ԓўвеԓа йастәсәт: «Нӑӈ мўй мўӈ нўмпевән хона питԓән? Мўӈ мўй нӑӈ иԓпенән питԓув?» Щи уԓмәԓ пӑ йасәӈԓаԓ урәӈән мет таканшәк ԉикән этты питса.

Genesis 41:25

Иосиф щиты фараона йастәс: «Фараон и вер эԓты кӑт пўш уԓмийәс: Турәм мўй верәԓ, щит эԓты Ԓўв фараона айкеԓ верәс.

Genesis 41:32

Фараон кӑт пўш и хŏрпи уԓәм щишән вантәс, щит Турәм йасәӈ так урәӈән пӑ щи вер Турәмән тӑм ванән йӑна верты урәӈән.

Genesis 42:6

Иосиф пӑ щи мўвән мет ун кущайа пŏнман ус; мўвән уԓты мира ԋаԋ ԓат ԓўв щи тыныйәс. Иосиф йайԓаԓ йŏхәтсәт пӑ ԓўв йэԓпеԓән мўв унты, ŏх пŏнман, иԓ ԋўрсәт.

Genesis 43:26

Щӑԓта Иосиф йŏхи йŏхтәс; ԓыв йошԓаԓән мойԓәпсайԓаԓ ԓўвеԓа хота ԓŏӈәԓсәԓаԓ, пӑ мўв унты ԓўв йэԓпеԓән, ŏх пŏнман, иԓ ԋўрсәт.

Genesis 43:28

Ԓыв йастәсәт: «Тўмтак нӑӈ митхуйэн, мўӈ ащев ики, хŏԓна ԓыԓәӈ». Щӑԓта ԓыв, ŏх пŏнман, иԓ ԋўрсәт.

Genesis 44:14

Иуда пӑ ԓўв йайԓаԓ-апщиԓаԓ Иосиф хота йŏхәтсәт, ԓўв хŏԓна йŏԓән уԓмаԓ, пӑ ԓўв йэԓпеԓән мўва иԓ рӑкәтсәт.

Genesis 44:19

Кущайэм митйохԓаԓ иԋщәссәԓы, йастәман: ‘Ащи мўй йай-апщи тӑйԓәты?’

Genesis 45:9

Ащем хŏща сора мӑнаты пӑ ԓўвеԓа пŏтәртаты: ‘Иосиф пŏхен щиты йастәԓ: Турәм мӑнэм Египет мўв ԓŏватән кущайа пŏтсәԓы; ма хŏщайэм йŏхта, аԓ рŏна;

Genesis 46:29

Иосиф ԓўв колесница ԓовәӈ ухԓәԓ киртсәԓы пӑ Израиль ащеԓ йэщаԓт Гесем мўва мӑнәс, ԓўвеԓ кащаԓәмәԓән, ӑпәԓсәԓы, пӑ ԓўв сапԓәԓән хўв хоԓԓәс.

Genesis 47:12

Иосиф ащеԓ пӑ йайԓаԓ, пӑ хŏԓ иса ащеԓ тыхәԓ тэԓ тӑрәмты аратән ԋаԋән мийԓысԓы, кашәӈ хот тэԓ тӑрәмты аратән.