Genesis 37:7 - Хӑнты Перевод Библии

⁷ ԋаԋ тŏрән энәмты хӑр кўтәпән мўӈ ԋаԋ тŏрән мŏнталэт йӑрԓув; пӑ ма йӑрәм ԋаԋ тŏрән мŏнталэм нŏх ԓойәс пӑ тўӈа ԓойәс, нын ԋаԋ тŏрән мŏнталыԓән пӑ керәтман ԓойсәт пӑ ма йӑрәм ԋаԋ тŏрән мŏнталэм пеԓа, ŏх пŏнман, иԓ ԋўрсәт».

Genesis 37:7 ပူးပေါင်းရင်းမြစ်များ

Genesis 27:29

мирәт нӑӈена ат рупитԓәт, ŏх пŏнман, иԓ ԋўрман нӑӈ йэԓпенән мирәт ат ԓойԓәт; хӑнам йохԓан нўмпийән кущайа уԓа, аԋԏэн пŏхәт нӑӈ йэԓпенән, ŏх пŏнман, иԓ ат ԋўрԓәт; нӑӈен мўԓты ŏтәт – мўԓԓайәт; нӑӈена йӑм йасәӈ йастәты ŏтәт – йӑмән мӑԓайәт!»

Genesis 37:6

Ԓўв ԓывиԓаԓа йастәс: «Ма вантәм уԓмем хуԓәнтаты:

Genesis 42:6

Иосиф пӑ щи мўвән мет ун кущайа пŏнман ус; мўвән уԓты мира ԋаԋ ԓат ԓўв щи тыныйәс. Иосиф йайԓаԓ йŏхәтсәт пӑ ԓўв йэԓпеԓән мўв унты, ŏх пŏнман, иԓ ԋўрсәт.

Genesis 42:9

Иосиф уԓәмԓаԓ нумәԓмәс, хŏта ԓыв эԓтыԓаԓ уԓмийәс; пӑ ԓывиԓаԓа йастәс: «Нын хӑԋайән верәт ԓэрапты ŏтәт, мўӈ хŏщайэв ԉаԉ пиԓән йŏхәтты урәӈән сайԓы мўв вантыԓты».

Genesis 43:26

Щӑԓта Иосиф йŏхи йŏхтәс; ԓыв йошԓаԓән мойԓәпсайԓаԓ ԓўвеԓа хота ԓŏӈәԓсәԓаԓ, пӑ мўв унты ԓўв йэԓпеԓән, ŏх пŏнман, иԓ ԋўрсәт.

Genesis 43:28

Ԓыв йастәсәт: «Тўмтак нӑӈ митхуйэн, мўӈ ащев ики, хŏԓна ԓыԓәӈ». Щӑԓта ԓыв, ŏх пŏнман, иԓ ԋўрсәт.

Genesis 44:14

Иуда пӑ ԓўв йайԓаԓ-апщиԓаԓ Иосиф хота йŏхәтсәт, ԓўв хŏԓна йŏԓән уԓмаԓ, пӑ ԓўв йэԓпеԓән мўва иԓ рӑкәтсәт.

Genesis 44:18

Иуда ԓўв хŏщайәԓ ванамәс пӑ йастәс: «Кущайэм, митхуйэна пӑԓԓана йасәӈ йастәты эсԓы, пӑ митхуйэн пеԓа аԓ ԉикаща, нӑӈ ищи фараон пӑԓатән омәсԓән.

Genesis 44:19

Кущайэм митйохԓаԓ иԋщәссәԓы, йастәман: ‘Ащи мўй йай-апщи тӑйԓәты?’

Genesis 50:18

Щӑԓта йайԓаԓ ищи йŏхәтсәт, пӑ ԓўв йэԓпеԓән мўв унты, ŏх пŏнман, иԓ ԋўрсәт, пӑ йастәсәт: «Мўӈ нӑӈена рупитты йохԓан».