Genesis 32:24 - Хӑнты Перевод Библии

²⁴ Щӑԓта Иаков утща хӑщәс. Аԓәӈ хўщәԓ унты ԓўв пиԓәԓән Ахой катԓантыйәс;

Genesis 32:24 ပူးပေါင်းရင်းမြစ်များ

Genesis 18:2

Авраам сэмӈиԓаԓ нŏх аԓәпсәԓы пӑ шийаԓәсԓы, хуԓәм йох хŏйат ԓўв эԓтэԓ йэԓәншәк ԓойԓәт. Ԓывиԓаԓ шийаԓәмаԓ кемән, пирщин хот овәԓ эԓты ԓыв хŏщайэԓ йэщаԓт хухәԓмәс пӑ мўв унты иԓ ԋўрщәман ŏх пŏнәс,

Genesis 30:8

Щӑԓта Рахиль йастәс: «Ŏпем пиԓән мин шек такан йӑха хойԓысмән, пӑ ма нŏх питсәм». Пӑ Неффалим нэмән ԓўвеԓ пŏтсәԓы.

Genesis 32:23

ԓывиԓаԓ йŏхан шŏппи тусԓы пӑ мўй ԓўв тӑйәс, хŏԓ йŏхан шŏппи ўншәптәсԓы.

Genesis 32:25

ӑт верәмтаԓ мŏштымаԓән, Ԓўв Иаков пещ ԓŏв йӑта хойԓыйәс пӑ Иаков пещ ԓŏв йӑт мушмәԓтсәԓы, хун ԓўв Ԓўв пиԓәԓән катԓантыйәс.

Genesis 32:28

Пӑ йастәс: «Тӑԓта йэԓԓы нӑӈ нэмен Израиль питәԓ, Иаков нэмен хӑйԓэн, нӑӈ Турәм пиԓән катԓантысән, пӑ хŏйатәт эԓты нŏх питты питԓән».

Genesis 32:30

Иаков щи тӑха нэмәтсәԓы: Пенуэл; ԓўв щиты пŏтәртыйәс: «Ма Турәм веш ванән ватсэм пӑ ԓыԓӈа хӑщсәм».

Genesis 48:16

атәм вер эԓты мӑнэм нŏх пайтыԓыты ангел, тӑм энәмты пŏхӈән йӑмән ат мӑԓԓы; ԓын нэмԓән йастытыйән, ма нэмем пӑ, Авраам пӑ Исаак ащеӈәԓам нэмӈән, ищи ат нумәԓмиԓайәт, пӑ ԓын тыхәԓ тэԓԓән мўвән ара ат йиԓтән».

Luke 13:24

"Пушас ващ овийэйа ԓŏӈты ўрататы, нынана пŏтәртԓәм, ар мŏхет ԓŏӈты ўратԓәт пӑ ӑт верәтԓәт".

Luke 22:44

Нŏпсәԓ ԓыпийән шукащман уԓман, таканшәк пойәкщәс, пӑ Ԓўв мўва посыты шӑкйиӈкәԓ ўр сэм хŏрпи ус.