Genesis 3:17 - Хӑнты Перевод Библии

¹⁷ Адама пӑ йастәс: «Нэӈен йасӈа хуԓәтмен урәӈән пӑ щи йўх эԓты ԓэвмен урәӈән, хŏԓща Ма нӑӈена ԓэты ӑт эсәԓсэм, щи йастыԓысәм: ‘Щиԓта аԓ ԓэва’, тӑԓта йэԓԓы нӑӈ урӈенән мўв мўԓман уԓты питәԓ; уԓтэн хўват шукащман мўв эԓты ԓэтŏт мŏщатты питԓән;

Genesis 3:17 ပူးပေါင်းရင်းမြစ်များ

Genesis 3:11

Турәм иԋщәссәԓы: «Хŏй нӑӈена йастәс нӑӈ ԋарԓŏмәԓты уԓты верэн? Аԓт пӑ нӑӈ щи йўх эԓты ԓэсән, хŏԓща Ма нӑӈена ԓэты ӑт эсәԓсэм?»

Genesis 3:18

пеԓантыты тŏрнәт нӑӈена мўв энмәԓтәԓ, мўв хӑрән энәмты тŏрнәт эԓты ԓэты питԓән;

Genesis 3:6

Щитәԓән нэ шийаԓәсԓы, щи йўх сэмән ватты умәщ пӑ ԓэвпәсәԓ йӑм хŏрпи, пӑ щӑԓта йўхәԓ мосәԓ, ŏшәӈ нŏмәс мӑԓ, щишән; щикәԋща, энмәм ԓэвпәс ԓўв ўс пӑ ԓэс; пӑ ԓэвпәс икеԓа па мӑсԓы, ԓўв па ԓэс.

Genesis 5:29

Ной нэмән ԓўвеԓ мӑсԓы пӑ йастәс: «Турәм Кущайән мўԓәм мўвевән ԓавәрт рупатайэвән тӑм пŏх мўӈев торапԓәԓԓы».

Genesis 8:21

Турәм Куща щи йӑм пусәӈ эпәԓ эпсатмаԓ кемән Ԓўв, сӑмәԓ ԋŏхԓәман, йастәс: «Па йэԓԓы, хŏйат урәӈән, мўв мўԓты ӑт питԓэм, хŏйат сӑм нŏпсәт – айтэԓән ԉик тӑйԓәт; хŏты Ма ин версәм, пӑ нэмәԓты пŏрайән ԓыԓәӈ ŏтәт тӑмиты пӑратты ӑт питԓәԓам:

Luke 19:22

Куща ԓўвеԓа йастәс: "Вевтам митху, нӑӈ ўӈԓэнән нӑӈен сўтәтты питԓэм! Нӑӈ уйәтсэн, мўй хŏрпи ма тарәм хŏйат, мўй ӑт пŏныԓысәм, щит ўԓәм, мўй мўва ӑт опсыԓысәм, щит ӑкәтԓәм?