Genesis 26:18 - Хӑнты Перевод Библии

¹⁸ Щӑԓта Исаак йик ўты мўв ўсәт пӑ йӑԓпа хирсәԓы, Авраам ащеԓ ишән хирыԓыйәм йик ўты мўв ўсәт, Авраам пӑрәм йўпийән филистимәтән мўвән лӑп йовԓыԓысайәт; щӑԓта ащеԓ катра пŏныԓыйәм нэматән нэмәтсәԓы.

Genesis 26:18 ပူးပေါင်းရင်းမြစ်များ

Genesis 21:25

Авраам Авимелех пеԓа туп йик ўты мўв ўс урәӈән ўшмащәс, Авимелех митйохәтән нŏх ўйәм урәӈән.

Genesis 21:30

Авраам йастәс: «Тӑм ԓапәт нэ ош ма йошем эԓты ўйи, щит щӑха нумты урәӈән, тӑм йик ўты мўв ўс ма хирсэм, ԓўв мӑнэм».

Genesis 21:31

Щишән, щи лот Вирсавия нэмән мӑсԓы, щита ԓын кўтәнән йасәӈ мӑстән.

Genesis 26:17

Щишән, Исаак щиԓта мӑнәс, пӑ Герар йŏхан пўӈәԓән пирщин хотәт ԓоԋщәс, пӑ щита уԓты питәс.

Genesis 26:19

Исаак митйохәт Герар сорәм йŏхан курән мўв хирсәт пӑ ԓыԓәӈ йикпи мўв ўс уйәтсәт.