Genesis 22:2 - Хӑнты Перевод Библии

² Турәм йастәс: «Сӑм вŏшән тӑйты аратәԓ и пŏхен, Исаак пŏхен, ўйи пӑ Мориа мўва мӑна; пӑ щита и кев ўр Ма нӑӈен аԉԓәм, щита ԓўвеԓ йира туты урәӈән нŏх ўщиты».

Genesis 22:2 ပူးပေါင်းရင်းမြစ်များ

Genesis 17:19

Турәм пӑ йастәс: «Вŏԓԓы нӑӈ имен Сарра нӑӈена пŏх сэма пайәтәԓ, нӑӈ пӑ ԓўвеԓ Исаак нэмән пŏнԓэн; Ма пӑ йастантәпсайэм ԓўв пиԓәԓән веккеша йастантәпсайа верԓэм, пӑ ԓўв йўпеԓән уԓты ԋаврэмԓаԓа.

Genesis 21:12

Турәм пӑ Авраама щиты йастәс: «Нŏпсэн ӑт ат шӑкәԓ энәмты пŏхен пӑ митнэӈен урәӈән; мўй Сарра нӑӈена йастәԓ, иса ԓўвеԓ хуԓәнта, туп Исаак хўват тӑйты тыхԓэнән Ма нӑӈена партәм ԋаврэмԓам питԓәт;

Genesis 21:3

Авраам ԓўв хŏщайәԓ сэма питәм пŏхәԓа, Саррайән ԓўвеԓа тӑйәм пŏхәԓа, Исаак нэм пŏнәс;

Genesis 22:12

Ангел йастәс: «Пŏхен эԓты йошен аԓ аԓми пӑ ԓўв пиԓәԓән нэмәԓты аԓ вера, ин Ма уйәтԓэм, Турәм эԓты нӑӈ пӑԓԓән, пӑ аратәԓ и пŏхен Мӑнэма мӑты ӑт щаԉәтсэн».

Genesis 22:16

пӑ щиты йастәс: «Мӑнэмән йасәӈ мӑԓәм, Турәм Куща йастәԓ, тӑм вер вермен урәӈән, нӑӈ пŏхен, аратәԓ и пŏхен ӑт щаԉәтсэн,

Genesis 22:3

Авраам аԓәӈсӑхат аԓәӈ нŏх киԓәс, осёл войәԓ нŏх киртсәԓы, кӑт энәмты митху пӑ Исаак пŏхәԓ пӑтән ўсԓы; йир ўщитты урәӈән тўт йўх хӑлытәс, пӑ щӑԓта нŏх ԓŏйәс пӑ Турәм аԉәм тӑха пеԓа мӑнәс.

Genesis 22:9

Щӑԓта Турәм йастәм тӑхайа йŏхәтсәтән; Авраам щита йирасты нŏрәм верәс, тўт йўхәт пŏнәс, пӑ Исаак пŏхәԓ йӑрман йирасты нŏрма йўхәт эԓты пŏтсәԓы.

Genesis 8:20

Турәм Кущайа йирасты нŏрәм Ной верәс пӑ кашәӈ сыстам йош вой сыр эԓты пӑ кашәӈ сыстам тŏхԓәӈ вой сыр эԓты и войән ус пӑ нŏх ўщитты йирасты нŏрма ԓўв тусԓы.