Genesis 19:3 - Хӑнты Перевод Библии

³ Ԓўв пӑ шек такан ԓынан пойәксәԓы; пӑ ԓын ԓўв йўпеԓән мӑтсәтән, пӑ ԓўв хотәԓа ԓŏксәтән. Ԓўв йӑм эпԓәӈ ԓэтŏт пӑ паԓәм ԋаԋ верәс, пӑ ԓын ԓэстән.

Genesis 19:3 ပူးပေါင်းရင်းမြစ်များ

Genesis 19:2

пӑ йастәс: «Кущайӈәԓам! Митхуйән хота ԓŏӈатән пӑ хоԓатән, кўрԓән ԉŏхитаԓән, аԓәӈсӑхат нŏх киԓԓәтән пӑ йэԓԓы нын йушән хўват мӑнԓәтән». Ԓын пӑ йастәстән: «Ӑнта, мин камән хоԓԓәмән».

Genesis 21:8

Ԋаврэм энмәс пӑ эсәм эԓты вŏԓытса; Исаак эсәм эԓты вŏԓытәм хӑтәԓән Авраам йӑм ԓэтотәӈ пӑсан верәс.

Genesis 24:31

Лаван йастәс: «Турәм Кущайән йӑмән мийәм хŏйат, мўйа кӑмән ԓойԓән? Йŏхи ԓŏӈа, хот пӑ верблюдԓан ŏԓты тӑха ма ԓэщатсәм».

Genesis 26:30

Ԓўв ԓывиԓаԓ йӑм пӑсанән версәԓы, ԓыв ԓэсәт пӑ йищсәт.

Luke 11:8

Нынана пŏтәртԓәм, ԓўв ԓухсәԓ урәӈән нŏх ӑт ԓойәԓ ки, пӑ ԋаԋ ԓўвеԓа, пиԓа уԓтаԓ хўватән, ӑт мӑԓ ки, щитәԓ такан вохтаԓ урәӈән, ищи пӑ нŏх киԓты вера йиԓ, мўй арат вохәԓ, щи арат ԓўвеԓа мӑԓ.

Luke 14:23

Щиӈәԋща куща митхуйәԓа йастәс: "Йушәт хўват мӑна пӑ пушасәт пўӈәԓән йӑӈха пӑ хŏйатәт йŏхәтты эвԓәптаԓән, хотэм хŏйатән ат тэкәтса.

Luke 5:29

Левий ԓўв хотәԓән Иисус урәӈән ун поры пӑсан ԓэщатәс, ԓыв пиԓԓаԓән пӑсан сурыйән налог ӑкәтты ар хŏйат пӑ па мŏхет усәт.