Genesis 18:6 - Хӑнты Перевод Библии

⁶ Щӑԓта Авраам пирщин хота, Сарра хŏща, тэрматыман ԓŏӈемәс пӑ йастәс: «Хуԓәм мера арат йӑм ԓат сорашәк рўвта пӑ паԓәм ԋаԋ вера».

Genesis 18:6 ပူးပေါင်းရင်းမြစ်များ

Genesis 18:5

ма пӑ ԋаԋ туԓәм, нын сӑмԓән ԓэщтәты урәӈән, щӑԓта йэԓԓы мӑнты верәтԓәты; ищипа щи ин нын митхуйән хŏща йŏхәтсәты». Ԓыв йастәсәт: «Хŏты пŏтәртԓән, щиты веры».

Genesis 18:7

Щӑԓта тащәԓ хŏща Авраам хухәԓмәс, мет йӑм ай мис пŏшәх пирыйәс, айкем митхуйәԓа мӑсԓы пӑ щитәԓ ԓэтŏт сора верты питәс.

Genesis 19:3

Ԓўв пӑ шек такан ԓынан пойәксәԓы; пӑ ԓын ԓўв йўпеԓән мӑтсәтән, пӑ ԓўв хотәԓа ԓŏксәтән. Ԓўв йӑм эпԓәӈ ԓэтŏт пӑ паԓәм ԋаԋ верәс, пӑ ԓын ԓэстән.

Acts 16:15

Хун пӑ ԓўв йиӈка ԓŏӈәԓтыса пӑ ԓўв йŏԓән уԓты мŏхиԓаԓ па, мўӈев ԓўв хŏщайәԓ вохсәԓы, пŏтәртман: «Нын мӑнэм Турәм Куща пеԓа тŏрԓы уԓты верэм йӑнайа ԓўӈәтсәԓԓән ки, ма хотэма ԓŏӈаты пӑ ма хŏщайэм уԓаты». Пӑ мўӈев эвԓәптәсԓы.