Genesis 18:16 - Хӑнты Перевод Библии

¹⁶ Щӑԓта щи йох хŏйатәт нŏх ԓойсәт пӑ Содом вош пеԓа мӑтсәт; Авраам ищи ԓыв пиԓэԓән тŏхишәк унты йӑӈхәс.

Genesis 18:16 ပူးပေါင်းရင်းမြစ်များ

Genesis 18:15

Сарра пӑԓтамәс пӑ йастәс: «Ма ӑт ԋӑхсәм». Турәм Куща пӑ йастәс: «Ӑнта, нӑӈ ԋӑхсән».

Genesis 18:2

Авраам сэмӈиԓаԓ нŏх аԓәпсәԓы пӑ шийаԓәсԓы, хуԓәм йох хŏйат ԓўв эԓтэԓ йэԓәншәк ԓойԓәт. Ԓывиԓаԓ шийаԓәмаԓ кемән, пирщин хот овәԓ эԓты ԓыв хŏщайэԓ йэщаԓт хухәԓмәс пӑ мўв унты иԓ ԋўрщәман ŏх пŏнәс,

Genesis 18:22

Щи хŏйатӈән карэмәсӈән пӑ Содом пеԓа мӑтсәӈән; Авраам пӑ Турәм Куща йэщаԓт хŏԓна ԓойәс.

Genesis 19:1

Щи ангелӈән йэтна пеԓа Содома йŏхәтсәтән, хун Лот ики Содом вош овәт пўӈәԓән опсәс. Лот ики ԓынан кащаԓәмаԓ кемән, нŏх ԓойәс пӑ ԓын йэщаԓтан мӑнәс пӑ мўв унты, ŏх пŏнман, иԓ ԋўрәс

Acts 15:3

Щиӈәԋща, пойәкщәты мŏхэтән мӑнты ԋотәм йўпийән, ԓыв Финикия пӑ Самария мŏхты мӑтсәт, па рут мир Турәм пеԓа керԓәты вер эԓты пŏтәртман, пӑ хŏԓ хӑнам йох хŏща ун амәт версәт.

Acts 20:38

Мет шопәӈ ԓўв йастәм йасәӈԓаԓ эԓты хощсәт, мӑтты ԓыв па нэмәԓты пŏрайән ԓўв вешәԓ ӑт ватԓэԓ. Щӑԓта ԓўв пиԓәԓән паршәӈ хоп унты мӑтсәт.

Acts 21:5

Щи хӑтԓәт хӑйман, мўӈ этсув пӑ мӑтсув, пӑ ԓыв хŏԓыйэ имиԓаԓ пӑ ԋаврэмԓаԓ пиԓән мўӈев вош кимпи унты хŏԓна тусэԓ; намән питарән па, шаш иԓ эсәԓман, пойәкщәсув.