Genesis 18:14 - Хӑнты Перевод Библии

¹⁴ Турәм Кущайа мŏԓты ԓавәрт вер хун уԓ? Папуш, йастәм хӑтԓэмән, Ма нӑӈ хŏщайэн йŏхәтԓәм, Сарра пӑ пŏх тӑйты питәԓ».

Genesis 18:14 ပူးပေါင်းရင်းမြစ်များ

Genesis 17:16

Ма ԓўвеԓ йӑмән мӑԓэм пӑ нӑӈен пŏхән ԓўв эԓтэԓ мӑԓэм; ԓўвеԓ йӑмән мӑԓэм, пӑ мирәт ԓўв эԓтэԓ этԓәт, хонәт ԓўв эԓтэԓ этԓәт».

Genesis 17:21

Туп Ма йастантәпсайэм Исаак пиԓән верԓэм, папуш и тӑм пŏрайән Саррайән нӑӈена тӑйты пŏхен пиԓән».

Genesis 18:10

Итэԓ йастәс: «Папуш и тӑм пŏрайән Ма нӑӈ хŏщайэн па йŏхәтԓәм, пӑ Сарра иимен пŏх тӑйты питәԓ». Сарра пӑ пирщин хот ов сайән ԓойәс пӑ хуԓәнтәс.

Genesis 18:13

Турәм Куща Авраам пеԓа йастәс: «Мўйа пӑ Сарра ԋӑхәс, йастәман: ‘Пирәщ турәмән мўй щирән ма ԋаврэм мŏщатԓәм?’

Genesis 18:15

Сарра пӑԓтамәс пӑ йастәс: «Ма ӑт ԋӑхсәм». Турәм Куща пӑ йастәс: «Ӑнта, нӑӈ ԋӑхсән».

Genesis 21:1

Турәм Куща, йастымаԓ щирән, Сарра пеԓа щи арат йӑм ус пӑ, хŏты ԓўвеԓа йастыԓыйәс, щиты версәԓы.

Genesis 21:2

Сарра ԓавәрта йис пӑ Авраама пŏх сэма пайтәс, Авраам пирщамәм йўпийән, вŏԓԓы щи пŏрайән, хŏты Турәмән ԓўвеԓа йастыԓыса;

Luke 1:13

Ангел щиты йастәс ԓўвеԓа: "Аԓ пӑԓа, Захария: нӑӈ пойкен хуԓса! Елизавета ийименән пŏхән туԓайән, пӑ нӑӈ ԓўвеԓ Иоанн нэмән пŏнԓэн;

Luke 1:18

Захария ангела йастәс: "Xŏты сӑхат ма щи вер уйәтԓэм? Ма пирщамәсайәм, имем пӑ тӑԓԓаԓ арамәсәт".

Luke 1:37

Турәм и йасӈәԓ йурԓы ӑт уԓԓыйәԓ".

Luke 8:50

Иисус щи йасӈәт хуԓмаԓ кемән, ԓўвеԓа йастәс: "Аԓ пӑԓа. Туп эвԓа, пӑ эвен сŏрәм эԓты нŏх пайәтԓа".