Genesis 17:6 - Хӑнты Перевод Библии

⁶ пӑ шек-шек нӑӈен рутмәԓтԓэм, пӑ нӑӈ эԓтэн Ма ар сыр мир этәԓтәԓәм, пӑ хонәт нӑӈ эԓтэн этԓәт;

Genesis 17:6 ပူးပေါင်းရင်းမြစ်များ

Genesis 13:16

щӑԓта нӑӈ тыхԓэн сэй хиш иты ара верԓэм; щи сэй хиш мӑтты ŏтән ԓўӈәтты верәтԓа ки, нӑӈ тыхԓэн ищи щиты ԓўӈәтты питԓа;

Genesis 17:16

Ма ԓўвеԓ йӑмән мӑԓэм пӑ нӑӈен пŏхән ԓўв эԓтэԓ мӑԓэм; ԓўвеԓ йӑмән мӑԓэм, пӑ мирәт ԓўв эԓтэԓ этԓәт, хонәт ԓўв эԓтэԓ этԓәт».

Genesis 17:20

Измаил эԓты Ма нӑӈен ищи хуԓтсэм: Ма ԓўвеԓ йӑмән мӑԓэм, тыхԓәԓ ара верԓэм, пӑ шек-шек ԓўвеԓ рутмәԓԓэм; кӑтхŏщйаӈ кӑнащ ԓўв эԓтэԓ сэма питԓәт; Ма ԓўв эԓтайәԓ вŏԓаӈ мир этәԓтәԓәм.

Genesis 17:4

«Тӑм Ма йастантәпсэм нӑӈ пиԓэнән: ар сыр мир ащийа нӑӈ питԓән,

Genesis 26:22

Ԓўв щиԓта йэԓ мӑнәс, йик ўты мўв ўс па хирәс, щита йӑха ӑт питыԓысәт, пӑ нэмәтсәԓы: Реховоф, щӑԓта йастәс: «Ин мўӈева Турәм Куща ԓӑщкам мўв мӑс, тӑта мўӈ ара йиԓув».

Genesis 28:3

Иса Верәтты Турәмән нӑӈ йӑмән ат мӑԓайән, пӑ нӑӈ ат рутмәԓԓайән, пӑ нӑӈ ара ат верԓайән, пӑ ар рут мир нӑӈ эԓтэн ат питәԓ,

Genesis 35:11

Пӑ Турәм ԓўвеԓа йастәс: «Ма Иса Верәтты Турәм; рутма пӑ ара йўва; мир пӑ ар мир нӑӈ эԓтэн питәԓ, хонәт нӑӈ эԓтэн этԓәт;

Genesis 41:52

Кимет пŏхәԓ нэмән мӑсԓы: Ефрем, щиты ԓўв пŏтәртәс: «Шукащәм мўвемән Турәм мӑнэм тыхԓәӈа версәԓы».

Genesis 47:27

Щиты Израиль Египет мўвән ус, Гесем мўв щуӈән, щи мўвән ԓыв тӑйтаӈаӈа уԓты питсәт, пӑ ԋаврэмәӈа йисәт, пӑ шек ара йисәт.

Genesis 48:3

Иаков Иосиф пеԓа йастәс: «Иса Верәтты Турәм Луз вошән, Ханаан мўвән, ма хŏщайэм этәс пӑ йӑмән мӑнэм мӑсԓы,

Genesis 48:4

пӑ мӑнэма йастәс: ‘Ма нӑӈен рутмӑԓтԓэм, ара верԓэм, ар мир нӑӈ эԓтэн питәԓ, пӑ тӑм мўв нӑӈ йўпенән нӑӈ тыхԓэна веккеша тӑйты мӑԓэм’.