Genesis 17:27 - Хӑнты Перевод Библии

²⁷ Ԓўв пиԓәԓән ԓўв хотәӈ йох хŏйатԓаԓ, ԓўв хотәԓән сэма питәм пӑ па мир хŏйатәт эԓты щел ŏх сӑхат ԓутәм ŏтәт хŏԓ эвәтты щирән версайәт.

Genesis 17:27 ပူးပေါင်းရင်းမြစ်များ

Genesis 14:14

Аврам, ԓўв Лот хиԓэԓ катԓәм пӑ тўвәм вер, хуԓмаԓ кемән, ԓўв хотԓаԓән сэма питәм хуԓәмсот ԋийәԓхус ԉаԉәсты верәтты йох ӑктәс пӑ ԋӑԓ хон йўпеԓ эԓты Дан унты ԋухәԓсәԓы,

Genesis 17:10

Щит Ма йастантәпсайэм, щит мин кўтэмәнән пӑ нӑӈ йўпенән йэԓԓы уԓты нӑӈ ԋаврэмԓан ԋаврэмәт пиԓән тўӈа-щира верты верән уԓ: хŏԓ йох рут сэма питәм йох ԋаврэмәт пиԓән эвәтты щира питәԓ;

Genesis 17:26

Вŏԓԓы щи хӑтәԓән Авраам Измаил пŏхәԓ пиԓән эвәтты щирән версайтән.

Genesis 18:19

Ма ԓўвеԓ щи урәӈән пирысэм, щӑха ԓўв, ԋаврэмԓаԓа пӑ хиԓыԓаԓа, Турәм Куща аԉәм йуш хўват, тўӈа-щира пӑ вещката уԓман, шушты ат партԓәԓы, Турәм Куща пӑ мўй Авраама йастәс, ищи верԓәԓы».