Genesis 14:14 - Хӑнты Перевод Библии

¹⁴ Аврам, ԓўв Лот хиԓэԓ катԓәм пӑ тўвәм вер, хуԓмаԓ кемән, ԓўв хотԓаԓән сэма питәм хуԓәмсот ԋийәԓхус ԉаԉәсты верәтты йох ӑктәс пӑ ԋӑԓ хон йўпеԓ эԓты Дан унты ԋухәԓсәԓы,

Genesis 14:14 ပူးပေါင်းရင်းမြစ်များ

Genesis 12:16

Аврама пӑ ԓўв урӈәԓән ищи йӑм ус; ош тащәтән пӑ мис тащәтән, осёл войәтән, митйохәтән пӑ митнэӈәтән, осёл нэ войәтән пӑ верблюд войәтән тӑйты мӑса.

Genesis 12:5

Аврам Сара имеԓ пӑтән ўсԓы; апщеԓ пŏх Лот ики, тӑйәм войԓаԓ пӑ пŏрмасԓаԓ пӑ Харранән ԓўвеԓа рупитәм митйохԓаԓ ищи пӑтән ўсԓы; Ханаан мўв пеԓа мӑтсәт; пӑ Ханаан мўва йŏхәтсәт.

Genesis 13:8

Аврам Лот пеԓа щиты йастәс: «Мин кўтәӈа уԓты ӑт питԓәмән, тащ шавиты йохԓәмән ищи кўтәӈа уԓты ӑт питԓәт, мин нӑӈ пиԓэнән рутӈән;

Genesis 14:12

Пӑ Содомән уԓәм Лот ики, Аврам хиԓы, тащԓаԓ-пŏрмасԓаԓ пиԓән ищи пӑтән тусэԓ.

Genesis 14:16

Аврам ԉаԉән мŏщатәм тащәт-пŏрмасәт йŏхԓы керәтсәԓы, Лот хиԓэԓ пŏрмасԓаԓ пиԓән йŏхԓы тусԓы, нэӈат пӑ хŏйатәт ищи йŏхԓы тусԓы.

Genesis 15:3

Щиты Аврам йастәс: «Нӑӈ мӑнэма ԋаврэм ӑт мӑсән, щишән, ма хотэмән сэма питәм митхуйэма хотэм пӑ тащем хӑщәԓ».

Genesis 17:12

Кашәӈ сэма питәм йох ԋаврэм нын рутԓән хŏща, нӑӈ пӑ нӑӈ йўпенән энәмты ԋаврэмԓан пӑ ԓыв ԋаврэмԓаԓ ԋаврэмәт хŏща ԋийәԓ хӑтԓа йитаԓән эвәтты щирән ат верԓайәт. Шŏши хотән сэма питәм пӑ щел ŏх сӑхат па рут хŏйат эԓты ԓутәм ŏт, хŏй ӑнтом нӑӈ рутэн эԓты, эвәтты щирән ат верԓайәт.

Genesis 17:23

Щи хӑтәԓән Авраам Измаил пŏхәԓ эвәтты щирән версәԓы. Пӑ ԓўв хотәԓән сэма питәм йох хŏйатәт пӑ щел ŏхәԓ сӑхат ԓутәм ŏтәт ищи щиты версәԓы, хŏты Турәм ԓўвеԓ йастәс.

Genesis 17:27

Ԓўв пиԓәԓән ԓўв хотәӈ йох хŏйатԓаԓ, ԓўв хотәԓән сэма питәм пӑ па мир хŏйатәт эԓты щел ŏх сӑхат ԓутәм ŏтәт хŏԓ эвәтты щирән версайәт.

Genesis 18:19

Ма ԓўвеԓ щи урәӈән пирысэм, щӑха ԓўв, ԋаврэмԓаԓа пӑ хиԓыԓаԓа, Турәм Куща аԉәм йуш хўват, тўӈа-щира пӑ вещката уԓман, шушты ат партԓәԓы, Турәм Куща пӑ мўй Авраама йастәс, ищи верԓәԓы».

Genesis 23:6

«Куща ики, мўӈ йасӈева хуԓәнта; нӑӈ мўӈ кўтэвән Турәм кӑнащ; мет йӑмшәк лоттәты тӑхайԓувән нӑӈ пӑрәм ŏтэн шавийи; мўӈ йŏра лоттәты тӑхайԓувән нӑӈ пӑрәм ŏтэн шавитэн урәӈән, нэмәԓты хŏйат мўӈ эԓтэв нӑӈена шŏппи йасәӈ ӑт йастәԓ».