Genesis 12:7 - Хӑнты Перевод Библии

⁷ Щӑԓта Турәм Куща Аврам хŏща этәс пӑ йастәс: «Йэԓԓы уԓты ԋаврэмԓана тӑм мўв Ма мӑԓэм». Ԓўв хŏщайәԓ этԓыйәм Турәм Куща урәӈән щита йирасты нŏрәм верәс.

Genesis 12:7 ပူးပေါင်းရင်းမြစ်များ

Genesis 12:8

Щиԓта ԓўв Кев пеԓа мӑнәс, Вефиль эԓты хӑтәԓ этты пелка; щӑԓта пирщин хотәԓ щиты ԓощсәԓы пӑ Вефиль ԓўв эԓтайәԓ хӑтәԓ ԓŏӈты пелка питәс, Гай пӑ хӑтәԓ этты пелка питәс; щита Турәм Кущайа йирасты нŏрәм верәс, пӑ Турәм Куща пеԓа пойәкщәс.

Genesis 13:15

хŏԓ ватты мўвԓан Ма нӑӈена пӑ нӑӈ ԋаврэмԓана веккеша тӑйты мӑԓԓам;

Genesis 13:17

мӑна, щи мўв хўватәԓ, ўтатәԓ хŏԓ йӑӈхи, Ма ԓўвеԓ нӑӈена мӑԓэм».

Genesis 13:18

Аврам пирщин хотԓаԓ лосәтсәԓы, пӑ мӑнәс, пӑ Хеврона касԓәс, Мамре дуб йўхәӈ ут пўӈәԓән уԓты питәс; щита ԓўв Турәм Кущайа йирасты нŏрәм верәс.

Genesis 13:4

щи тӑха унты, хŏта ԓўв мет оԓәӈән йирасты нŏрәм верәс; щита Аврам Турәм Куща пеԓа пойәкщәс.

Genesis 15:18

Щи хӑтәԓән Турәм Куща Аврам пиԓән йастантәпса верәс, йастәман: «Тӑм мўв йэԓԓы уԓты ԋаврэмԓана Ма мӑԓэм, Египет йŏхан эԓты Евфрат ас унты:

Genesis 17:1

Аврама йӑрсот йӑрәтйаӈ тӑԓ ус, хун Турәм Куща ԓўв йэщаԓтәԓ этәс пӑ ԓўвеԓа йастәс: «Ма Иса Верәтты Турәм, Ма йэԓпемән йӑӈха пӑ вещката уԓа;

Genesis 17:3

Аврам мўва хŏмта рӑкнәс. Турәм пӑ ԓўв пиԓәԓән йэԓԓы пŏтәртәс пӑ щиты йастәс:

Genesis 17:8

ин нӑӈ па мўвәӈ хŏйат иты уԓты Ханаан мўвен нӑӈена пӑ нӑӈ йўпенән рутәмты ԋаврэмԓана хŏԓ мӑԓэм, веккеша тӑйты мӑԓэм; пӑ ԓывиԓаԓа Турма уԓты питԓәм».

Genesis 18:1

Мамре дуб йўхәӈ ут хŏща, хӑтәԓ кўтәп рўвән пирщин хот овәԓ пўӈәԓән Авраам омәсмаԓән, ԓўв хŏщайәԓ Турәм Куща этәс.

Genesis 22:9

Щӑԓта Турәм йастәм тӑхайа йŏхәтсәтән; Авраам щита йирасты нŏрәм верәс, тўт йўхәт пŏнәс, пӑ Исаак пŏхәԓ йӑрман йирасты нŏрма йўхәт эԓты пŏтсәԓы.

Genesis 24:7

Турәм Куща, ŏпәԉ Турәм, Хŏй ащем хот эԓты мӑнэм сэма питәм мўвем эԓты ўсԓы, пӑ Хŏй мӑнэм йасәӈ мӑс, пŏтәртман: ‘Йэԓԓы уԓты ԋаврэмԓана тӑм мўв мӑԓэм’, – Ԓўв ангеләԓ нӑӈ йэԓпенән китԓәԓы, пӑ нӑӈ пŏхема щиԓта нэ ўԓән;

Genesis 26:25

Щита ԓўв йирасты нŏрәм верәс пӑ Турәм Куща пеԓа пойәкщәс. Ԓўв щита пирщин хотԓаԓ ԓощсәԓы, пӑ Исаак митйохԓаԓ щита йик ўты мўв ўс хирсәт.

Genesis 26:3

тӑм мўвән уԓа, Ма нӑӈ пиԓэнән питԓәм, пӑ йӑмән нӑӈен мӑԓэм, нӑӈен пӑ йэԓԓы уԓты ԋаврэмԓана тӑм мўвәт мӑԓәм пӑ Авраама, нӑӈ ащена, мийәм йастәпсайэм Ма тӑԓаӈа верԓэм;

Genesis 28:13

Щӑԓта Турәм Куща щита хомтэпән ԓойәԓ пӑ пŏтәртәԓ: «Ма Турәм Куща, Авраам ащен Турәм, пӑ Исаак Турәм. Мўвен, хŏта нӑӈ ŏԓԓән, Ма нӑӈена пӑ йэԓԓы уԓты ԋаврэмԓана мӑԓэм;

Genesis 28:4

пӑ Авраама мийәм йӑм, Турәмән нӑӈена ищи ат мӑԓа, нӑӈена пӑ нӑӈ пиԓэнән нӑӈ тыхԓэна, мўӈ йŏхтәм мўвев, Турәмән Авраама мийәм мўв, нӑӈена хӑйты урәӈән!»

Genesis 32:30

Иаков щи тӑха нэмәтсәԓы: Пенуэл; ԓўв щиты пŏтәртыйәс: «Ма Турәм веш ванән ватсэм пӑ ԓыԓӈа хӑщсәм».

Genesis 33:20

Щӑԓта щита йирасты нŏрәм ԓўв верәс пӑ Турәм Куща пеԓа, Израиль Турәм пеԓа, пойәкщәс.

Genesis 35:12

Авраама пӑ Исаака мийәм мўв Ма нӑӈена мӑԓэм, нӑӈ тыхԓэна тӑм мўв па мӑԓэм».

Genesis 35:7

Щита йирасты нŏрәм верәс, пӑ щи тӑха нэмәтсәԓы: Эл-Вефиль, щита ԓўв хŏщайәԓ Турәм этԓыйәс, хун ԓўв йайәԓ эԓты хŏнтас.

Genesis 50:24

Щӑԓта Иосиф йайԓаԓа йастәс: «Ма пӑрты хӑтԓэм ванамәс, нын хŏщайән Турәм йŏхәтәԓ пӑ нынан тӑм мўв эԓты щи мўва туԓԓы, мўй эԓты Ԓўв Авраама, Исаака пӑ Иакова йасәӈ мӑс».

Genesis 8:20

Турәм Кущайа йирасты нŏрәм Ной верәс пӑ кашәӈ сыстам йош вой сыр эԓты пӑ кашәӈ сыстам тŏхԓәӈ вой сыр эԓты и войән ус пӑ нŏх ўщитты йирасты нŏрма ԓўв тусԓы.

Acts 7:5

Пӑ ԓўвеԓа и кўр лоп арат йўкан тӑм мўвән ӑт мӑс. Туп Турәм ԓўвеԓа пӑ ԓўв ԋавремԓаԓа тӑм мўв тӑйты урәӈән мӑты йастәсԓы, щи пŏрайән хŏԓна Авраам и ԋавремийэ ӑт тӑйәс.