Genesis 12:2 - Хӑнты Перевод Библии

² щӑԓта Ма нӑӈ эԓтэн вŏԓаӈ мир тыйәԓтԓәм пӑ нӑӈен йӑмән мӑԓэм, нӑӈ нэмен нŏх эԓәтԓэм, нӑӈ хўватэн мир йӑмән питԓа;

Genesis 12:2 ပူးပေါင်းရင်းမြစ်များ

Genesis 13:16

щӑԓта нӑӈ тыхԓэн сэй хиш иты ара верԓэм; щи сэй хиш мӑтты ŏтән ԓўӈәтты верәтԓа ки, нӑӈ тыхԓэн ищи щиты ԓўӈәтты питԓа;

Genesis 15:5

Щӑԓта Турәм Куща ԓўвеԓ ким этәԓтәсԓы пӑ йастәс: «Турәм хӑр пеԓа ванта пӑ хусәт ԓўӈтаԓән, ԓўӈәтты верәтԓэн ки». Пӑ ԓўвеԓа йастәс: «Щи арат нӑӈ тыхԓэн питәԓ».

Genesis 17:20

Измаил эԓты Ма нӑӈен ищи хуԓтсэм: Ма ԓўвеԓ йӑмән мӑԓэм, тыхԓәԓ ара верԓэм, пӑ шек-шек ԓўвеԓ рутмәԓԓэм; кӑтхŏщйаӈ кӑнащ ԓўв эԓтэԓ сэма питԓәт; Ма ԓўв эԓтайәԓ вŏԓаӈ мир этәԓтәԓәм.

Genesis 18:18

Авраам эԓты вŏԓаӈ пӑ йурәӈ мир йӑна рутмәԓ, мўвән уԓты мирәт хŏԓ ԓўв хўватәԓән йӑмән мӑԓайәт,

Genesis 18:19

Ма ԓўвеԓ щи урәӈән пирысэм, щӑха ԓўв, ԋаврэмԓаԓа пӑ хиԓыԓаԓа, Турәм Куща аԉәм йуш хўват, тўӈа-щира пӑ вещката уԓман, шушты ат партԓәԓы, Турәм Куща пӑ мўй Авраама йастәс, ищи верԓәԓы».

Genesis 19:29

Щиты ус, хун Турәм пайԓы мўв вошәт пӑратсәԓы, Турәм Авраам нŏмәсән иса тӑйсәԓы пӑ вошәт шўкатәм тӑха эԓты Лот ики йэԓ китсәԓы, хŏта Лот ики ус.

Genesis 24:1

Авраам пирщамәса пӑ тӑԓԓаԓ арәт усәт. Турәм Кущайән кашәӈ вер хŏща Авраам йӑмән мӑса.

Genesis 24:35

Турәм Куща ма кущайэм ар йӑмән мӑсԓы, пӑ ԓўв тащәӈа йис: ошәт пӑ хор мисәт, щел ŏх пӑ сорԋи, митйохәт пӑ митнэӈәт, верблюдәт пӑ осёл войәт Авраама Ԓўв мӑс;

Genesis 25:11

Авраам пӑрәм йўпийән Турәм Куща Исаак пŏхәԓ йӑмән мӑсԓы. Беэр-лахай-рои хŏща Исаак ус.

Genesis 26:3

тӑм мўвән уԓа, Ма нӑӈ пиԓэнән питԓәм, пӑ йӑмән нӑӈен мӑԓэм, нӑӈен пӑ йэԓԓы уԓты ԋаврэмԓана тӑм мўвәт мӑԓәм пӑ Авраама, нӑӈ ащена, мийәм йастәпсайэм Ма тӑԓаӈа верԓэм;

Genesis 26:4

турәм хусәт иты нӑӈ тыхәԓ тэԓэн ара верԓэм, пӑ нӑӈ тыхәԓ тэԓэна тӑм мўвәт мӑԓәм; нӑӈ тыхԓэн хўват мўвән уԓты мирәт хŏԓ йӑмән мӑԓайәт,

Genesis 27:29

мирәт нӑӈена ат рупитԓәт, ŏх пŏнман, иԓ ԋўрман нӑӈ йэԓпенән мирәт ат ԓойԓәт; хӑнам йохԓан нўмпийән кущайа уԓа, аԋԏэн пŏхәт нӑӈ йэԓпенән, ŏх пŏнман, иԓ ат ԋўрԓәт; нӑӈен мўԓты ŏтәт – мўԓԓайәт; нӑӈена йӑм йасәӈ йастәты ŏтәт – йӑмән мӑԓайәт!»

Genesis 28:14

нӑӈ тыхԓэн мўв сэй хиш арата йиԓ; щарәс пеԓа пӑ хӑтәԓ этты пелка, пӑ ŏвәс пеԓа пӑ морты мўв пеԓа нӑӈ ԓӑрпиԓәԓән; пӑ нӑӈ хўватэн пӑ нӑӈ тыхәԓ тэԓэн хўват мўв ԓŏватән уԓты мирәт хŏԓ йӑмән мӑԓайәт;

Genesis 35:11

Пӑ Турәм ԓўвеԓа йастәс: «Ма Иса Верәтты Турәм; рутма пӑ ара йўва; мир пӑ ар мир нӑӈ эԓтэн питәԓ, хонәт нӑӈ эԓтэн этԓәт;

Genesis 46:3

Турәм йастәс: «Ма Турәм, нӑӈ ащен Турәм; Египет мўва мӑнты аԓ пӑԓа, щита нӑӈ эԓтэн вŏԓаӈ мир тыйәԓтԓәм;