Acts 9:2 - Хӑнты Перевод Библии

² пӑ ԓўв эԓтэԓ айкеԓ нэпек Дамаск вош иудейәт пойәкщәты хотәт урәӈән вохәс. Ԓўв хŏй, тӑм утәԓтәты вер йўпи туты хŏйат, уйәтәԓ, йохәт мўй пӑ нэӈәт мŏщатты пӑ Иерусалима йŏхтәптәты ат верәтсәԓԓы.

Acts 9:2 ပူးပေါင်းရင်းမြစ်များ

Genesis 14:15

Аврам атәԓән ԉаԉ йохԓаԓ ар похла ортсәԓы, ԋухԓәм ŏтԓаԓ эԓты йŏхәтсәԓы пӑ ԉаԉәсман нŏх питәс, пӑ Хова унты, Дамаск эԓты ŏвәс пеԓа ԉаԉәсман ԋухәԓсәԓы.

Acts 18:25

Ԓўв Турәм Куща Йуш пеԓа утәԓтәман ус пӑ шек такан пӑ эвәԓты щира пŏтәртәс, тўӈа-щира Турәм Куща эԓты утәԓтәс, кўш туп ԓўв Иоанн йиӈка ԓŏӈәԓтыйәпса уйтәс.

Acts 19:23

Щи пўԉаӈ Турәм Куща Йуш урәӈән ун йэшащты вер тыйәс,

Acts 19:9

Туп ԓыв эԓтыԓаԓ тухԓәт сӑмԓаԓ така версәԓаԓ пӑ эвәԓты ӑт ԓӑӈхасәт, Турәм Куща Йуш мир йэԓпийән ԉикәӈ йасәӈән йастәман. Щиӈәԋща Павел ԓывиԓаԓ хӑймаԓ кемән, утәԓтәты йŏх утща щира ӑкәтсәԓы пӑ и мŏԓты Тиранн ху утәԓтәты хотән кашәӈ хӑтәԓ хŏйатәт утәԓтәсԓы.

Acts 24:14

Туп щи хŏща нӑӈен эԓпа йастәԓэм, утәԓтәпса хўват, мўй ԓыв ӑт рӑхты щира айәԓԓэԓ, йӑна ма ащиԓам Турма верәт верԓәм, иса щитәта эвәԓман, мўй Законән пӑ Турәм айкеԓ туты хŏйатәт нэпекәт хŏща хӑшман уԓԓа,

Acts 24:22

Щит хуԓәтмаԓ йўпийән, Феликс, щи Йуш эԓты тŏрԓы уйәтман, ԓыв верэԓ йэԓшәк хӑтәԓтәсԓы, йастәс: «Нын верән ватԓэм, хун щŏрәс ԉаԉ йох куща Лисий йŏхәтәԓ».

Acts 26:10

Щит ма щи Иерусалимән версәм: Турма йир верты ŏх икет эԓты йур ўйман, ма ар Турәм хŏйатәт касна хотәта тухрыԓысәм, пӑ, хун ԓыв пӑратысайәт, ма щийэԓ кашащисәм;

Acts 26:12

Тӑм урәӈән, йур пӑ Турма йир верты ŏх икет эԓты партәм вер тӑйман, Дамаска мӑнты питсәм,

Acts 6:9

Тухәԓ, щиты айәԓты Либертинәт, пӑ Киринейәт, пӑ Александрийәт иудейәт пойәкщәты хот эԓты уԓты мŏхет, пӑ тухәԓ Киликия пӑ Асия эԓты уԓты мŏхет, Стефан пиԓән ўра вортты питсәт;

Acts 7:19

Ԓўв, мўӈ рутэв йэщаԓт ŏщмарԓыман, мўӈ ащиԓув йэрмәԓтысԓы, ԓывиԓаԓа ай ԋавремԓаԓ йовәԓты партсәԓы, ԓыԓӈа ӑт ат хӑщсәт.

Acts 9:14

Тӑта па Турма йир верты ŏх икет эԓты хŏԓ, Нӑӈ нэмен вохты хŏйатәт йӑрты, йур тайәԓ».

Acts 9:21

Щӑԓта хŏԓ хуԓәнтәм хŏйатәт аԓ пакнысысәт пӑ пŏтәртсәт: «Тӑм ӑнта мўй щит, хŏй Иерусалимән тӑм нэм вохты ŏтәт воштыԓыйәс? Йӑна щи пӑ щи урәӈән ты йŏхтәс, ԓывиԓаԓ мŏщатты пӑ Турма йир верты ŏх икет хŏща туты».