Acts 8:5 - Хӑнты Перевод Библии

⁵ Щиты, Филипп Самария мўв воша йŏхтәс пӑ Христос эԓты пŏтәртәс.

Acts 8:5 ပူးပေါင်းရင်းမြစ်များ

Acts 1:8

нын йур вана ўԓты, хун нын хŏщайән Йэмәӈ Ԓыԓ ŏхәԓәԓ; пӑ Иерусалимән пӑ иса Иудея пӑ Самария ԓŏватән хŏԓна пӑ мўв кимәԓ унты Мӑнэм вантәм хŏйатәта уԓты питԓәты».

Acts 21:8

Кимет хӑтәԓ Павел пӑ мўӈ, ԓўв пиԓәԓән уԓәм ŏтәт, йэԓԓы мӑтсув пӑ Кесарияйа йŏхәтсув пӑ, Филлипп хота ԓŏӈман, ԓўв Йӑм Айкеԓ тутԓыты ху, ԓапәт ԋотәп ху эԓты ит, ԓўв хŏщайәԓ хӑщсув.

Acts 5:42

Щӑԓта кашәӈ хӑтәԓ Турәм Хотән пӑ хотәтән Иисус Христос эԓты утәԓтәты пӑ Йӑм Айкеԓ туты ӑт вŏԓыԓысәт.

Acts 6:5

Пӑ тӑм йастәм щир хŏԓ ӑктәщәм мŏхета рӑхи ус; пӑ Стефан, эвәԓты щирән пӑ Йэмәӈ Ԓыԓән тэкнәм ху, пӑ Филипп, пӑ Прохор, пӑ Никанор, пӑ Тимон, пӑ Пармен, пӑ Антиохия вош эԓты уԓты Николай, прозелита уԓәм ху, пирысайәт;

Acts 8:1

Савл пӑ Стефан пӑратты вер пеԓа такан ус. Щи хӑтԓәтән Иерусалимән пойәкщәты хŏйатәт ӑктәщиты вер пеԓа вŏԓаӈ ун ԋухәтԓыты щир тыйәс; пӑ хŏԓ, апостоләт тўмпийән, Иудея пӑ Самария ԓŏвата лакки мӑтсәт.

Acts 8:26

Турәм Куща ангел пӑ Филипп пеԓа йастәс: «Ԓойа пӑ мӑна хӑтәԓ кутәп пŏра шŏма, Иерусалим эԓты Газайа мӑнты таԓ йуш хŏща».

Acts 8:30

Филипп вана йŏхтәс пӑ, тўмеԓ Турәм айкеԓ туты хŏйат Исаия хӑншәм нэпек ԓўӈәтмаԓ, хуԓмаԓ кемән, йастәс: «Нӑӈ мўй уйәтԓэн, мўй ԓўӈәтԓән?»

Acts 8:40

Филипп пӑ Азотән ԉикмантәс пӑ, мŏхты шушман, вошәтән иса Йӑм Айкеԓ эԓты пŏтәртәс, Кесарияйа йŏхәтмаԓ унты.

Acts 8:6

Мир и сӑмән хуԓәтсәт щит пеԓа, мўй Филипп пŏтәртәс, хуԓман пӑ ватман, мўй хŏрпи вантыԓԓаӈәԓ верәт ԓўв верәс.

Acts 9:20

Пӑ щи пўԉаӈ иудейәт пойәкщәты хотәтән Иисус эԓты айкеԓ туты питәс, «Ԓўв – Турәм Пŏх».