Acts 8:4 - Хӑнты Перевод Библии

⁴ Щи кўтән лакки мӑнәм ŏтәт йӑӈхиԓысәт пӑ Йӑм Айкеԓ тутԓысәт.

Acts 8:4 ပူးပေါင်းရင်းမြစ်များ

Luke 1:2

хун мўӈева мет оԓәӈ вантәм хŏйатәтән щит айкеԓа туса пӑ щи йўпийән ԓыв йасәӈ туты хŏйатәта питсәт,

Acts 11:19

Щи кўтән Стефан йўпийән уԓәм ԋўхәтԓыты вер эԓты лакки мӑнәм ŏтәт, туп иудейәта йасәӈ тўвман, Финикия унты пӑ Кипр пӑ Антиохия унты мӑтсәт.

Acts 15:35

Павел пӑ щӑԓта Варнава Антиохияйән усӈән. Щита ԓын утәԓтәсӈән пӑ Турәм Куща йасәӈ Йӑм Айкеԓа па мŏхет пиԓән тутԓысӈән.

Acts 8:1

Савл пӑ Стефан пӑратты вер пеԓа такан ус. Щи хӑтԓәтән Иерусалимән пойәкщәты хŏйатәт ӑктәщиты вер пеԓа вŏԓаӈ ун ԋухәтԓыты щир тыйәс; пӑ хŏԓ, апостоләт тўмпийән, Иудея пӑ Самария ԓŏвата лакки мӑтсәт.

Acts 8:12

Туп хун Филиппа, Турәм Хон Уԓәпса пӑ Иисус Христос нэм эԓты Йӑм Айкеԓ пŏтәртты ŏта, эвәԓсәт, йох пӑ нэӈәт кашащсәт, йиӈка ат ԓŏӈәԓтысайәт.