Acts 8:1 - Хӑнты Перевод Библии

¹ Савл пӑ Стефан пӑратты вер пеԓа такан ус. Щи хӑтԓәтән Иерусалимән пойәкщәты хŏйатәт ӑктәщиты вер пеԓа вŏԓаӈ ун ԋухәтԓыты щир тыйәс; пӑ хŏԓ, апостоләт тўмпийән, Иудея пӑ Самария ԓŏвата лакки мӑтсәт.

Acts 8:1 ပူးပေါင်းရင်းမြစ်များ

Acts 1:8

нын йур вана ўԓты, хун нын хŏщайән Йэмәӈ Ԓыԓ ŏхәԓәԓ; пӑ Иерусалимән пӑ иса Иудея пӑ Самария ԓŏватән хŏԓна пӑ мўв кимәԓ унты Мӑнэм вантәм хŏйатәта уԓты питԓәты».

Acts 13:1

Антиохия вошән, щита уԓты пойәкщәты хойатәт ӑктәщиты вер хŏща тухәԓ Турәм айкеԓ туты хŏйатәт пӑ утәԓтәты йох усәт: Варнава, пӑ Нигера айәԓтты Симеон, пӑ Луций, Киринея ху, пӑ Манаил, Ирод ԋӑԓмет мўв щуӈ куща пиԓән энмәм ху, пӑ Савл.

Acts 13:36

Давид, ԓўв пŏрайәԓән Турәм ԓӑӈхаты щир хўват вермаԓ йўпийән, пӑрәс, пӑ ԓўв ащиԓаԓ хŏща пŏтса, пӑ шимты вер шийаԓәс;

Acts 2:47

Турәм ишәкман пӑ мирән сӑмәӈа тӑйман. Турәм Куща пӑ кашәӈ хӑтәԓ нŏх пайтәм мŏхет эвәԓты хŏйатәт хŏща йŏхтәптысԓы.

Acts 22:20

пӑ хун Стефан, Наӈен вантәм ŏтэн, кӑԓэԓ щŏрӈәԓтәм пŏрайән, ма щита ԓойсәм, ԓўв паратты верәԓ эԓт тӑйсэм, ԓўвеԓ паратты ŏтәт ԓумтәмәт ма шависәм".

Acts 26:10

Щит ма щи Иерусалимән версәм: Турма йир верты ŏх икет эԓты йур ўйман, ма ар Турәм хŏйатәт касна хотәта тухрыԓысәм, пӑ, хун ԓыв пӑратысайәт, ма щийэԓ кашащисәм;

Acts 5:18

щӑԓта ԓыв апостоләт ԋӑрэмәсԓаԓ, пӑ ԓывиԓаԓ вошәӈ касна хота лӑп петсәԓаԓ.

Acts 5:20

«Мӑнаты пӑ, Турәм Хотән, мир пеԓа хŏԓ тӑм йӑԓәп уԓәпса йасӈәт пŏтәртаԓән».

Acts 5:33

Тӑм хуԓман, ԓыв ԉик эԓты пелки тохты уратԓәт пӑ ԓывиԓаԓ пӑратты нумисысәт.

Acts 5:40

Ԓыв ԓўвеԓа хуԓмәсәт; пӑ, апостоләт йŏхԓы вохмеԓ йўпийән, ԓывиԓаԓ сэкты партсәԓаԓ пӑ, Иисус нэм эԓты пŏтәртты ӑт эсәԓмеԓ йўпийән, ԓывиԓаԓ эсәԓсәԓаԓ.

Acts 7:38

Тӑми щит, хŏй таԓ мўвән ӑктәщәм Израиль мир хŏща ангел пиԓән пӑ мўӈ ащиԓув пиԓән ус, ангел Синай кев ԓоӈәԓән ԓўв пеԓайәԓ пŏтәртәс, пӑ ԓўв ԓыԓәӈ йасӈәт вана ўсԓы, мўӈева мӑты урәӈән,

Acts 7:54

Тӑм хуԓәтман, ԓыв ԉикән кавәрмәсайәт пӑ ԓўв пеԓайәԓ пекԓаԓән йухрәԓсәт.

Acts 7:58

пӑ, вош ким пелка тувман, кевән ԓўвеԓ йовәԓты питсэԓ. Вантәм хŏйатәт пӑ ԓыв ԓумәтты сŏхԓаԓ Савл нэмпи, айкам ху кўрнат шŏма пŏтсәԓаԓ,

Acts 8:14

Иерусалимән уԓты апостоләт, Самария хŏйатәт Турәм йасәӈ вана ўйәм айкеԓ хуԓмеԓ кемән, Петра пӑ Иоанн ԓыв хощайэԓ китсәт,

Acts 8:2

Стефан пӑ Турма эвәԓты хŏйатәтән иԓ лоттәса пӑ ԓўв урӈәԓән вŏԓаӈ ун хоԓԓәп хоԓԓәса.

Acts 8:4

Щи кўтән лакки мӑнәм ŏтәт йӑӈхиԓысәт пӑ Йӑм Айкеԓ тутԓысәт.

Acts 8:5

Щиты, Филипп Самария мўв воша йŏхтәс пӑ Христос эԓты пŏтәртәс.

Acts 9:31

Пŏйәкщәты мŏхет пӑ Иудея мўв ԓŏватән, Галилея пӑ Самария ԓŏватән рома усәт, утәԓтыман пӑ Турәм Куща эԓты пӑԓман усәт; щӑԓта Йэмәӈ Ԓыԓән такапман, арамисәт.