Acts 7:8 - Хӑнты Перевод Библии

⁸ Пӑ Турәм Авраама эвәтты щир йастантәпса мӑс. Авраам Исаак сэма пайтәс пӑ ԋийәԓмет хӑтәԓән эвәтты верән версәԓы; Исаак Иаков сэма пайтәс, Иаков пӑ – кӑтхŏщйаӈ опращ икет.

Acts 7:8 ပူးပေါင်းရင်းမြစ်များ

Genesis 29:31

Лия сӑмәӈа ӑт тӑйты вер Турәм Куща мŏштәсԓы пӑ ԋаврэмән ԓўвеԓ партсәԓы, Рахиль пӑ ԋаврэм ӑт тӑйәс.

Genesis 30:5

Валла ԓавәрта йис пӑ Иакова пŏх сэма пайтәс.

Genesis 35:16

Щӑԓта Вефиль эԓты йэԓԓы мӑтсәт. Ефрафа унты йэша ӑт йŏхәтмеԓән, Рахиль ԋаврэм сэма пайтәс, щи верәԓ шек ԓавәрт ус.

Genesis 35:18

Ԓыԓ шўвәԓ мӑнмаԓән, пӑрты ўша йŏхәтмаԓән, Рахиль ԓўвеԓ нэмән мӑсԓы: «Бенони». Ащеԓән пӑ Вениамина нэмәтса.

Acts 2:29

Хӑнам йох! Нынана Давид опращев эԓты тŏрԓы йастәты эсәԓты ат питԓа, ԓўв пӑрәс пӑ иԓ ԓэщатса, пӑ ԓўв ԓэԓтŏтәԓ мўӈ хŏщайэв тӑм хӑтәԓ унты уԓ.