Acts 7:52 - Хӑнты Перевод Библии

⁵² Турәм айкеԓ туты хŏйатәт эԓты нын ащиԓәнән хŏй ӑт воштәса? Ԓыв Вещкат Ŏт йŏхәтты айкеԓ йэԓпи йастәм ŏтәт веԓсәԓаԓ, Хŏй хŏща хŏйат аԉты пӑ веԓты ŏтәта ин нын верәссәты, –

Acts 7:52 ပူးပေါင်းရင်းမြစ်များ

Luke 6:23

Щи хӑтәԓән амтәтԓыйаты пӑ ԋӑхман-йŏтман уԓаты: турәмән нын мойԓапсайԓән вŏԓаӈәт! Ԓыв ащиԓаԓ Турәм йасәӈ туты хŏйатәт пиԓән ищи щиты уԓԓысәт.

Acts 2:23

Тӑми, Турәм нŏмәс пӑ йэԓпи вантәм вер хўват мийәм Ŏт, нын ўсԓән пӑ, Турма ӑт эвәԓты хŏйатәт йошән картԓўкән пернайа сэкман, веԓсәԓән;

Acts 22:14

Ԓўв пӑ мӑнэм йастәс: "Мўӈ ащиԓув Турәм нӑӈен пирыйәс, наӈ Ԓўв ԓӑӈхаты щирәԓ ŏша ат пайәтсэн, Вещкат Ŏт ат шийаԓәсән пӑ тўр сый Ԓўв ўӈԓәԓ эԓты ат хуԓсән.

Acts 3:18

Турәм пӑ хŏты Ԓўв хŏԓыйэ Турәм айкеԓ туты хŏйатԓаԓ уӈәԓән Христос шукащты вер йастәс, щиты пӑ щи версәԓы.

Acts 3:24

Щит эԓты пӑ хŏԓ Турәм айкеԓ туты хŏйатәт пŏтәртысәт, Самуил эԓты ўйман пӑ щитәт, хŏй ԓўв йўпеԓән ус, ищиты тӑм хӑтԓәт аԉсәт.

Acts 4:10

нын хŏԓ пӑ хŏԓ Израиль мир уйтаԓән: тӑм хŏйат ин нын йэԓпанән тўмтака ԓойәԓ Назарет эԓты уԓты Иисус Христос нэм хўват, Хŏй нын пернайа сэксәԓән пӑ Хŏй пӑрәм эԓты Турәмән нŏх ԓыԓӈатса!