Acts 7:25 - Хӑнты Перевод Библии

²⁵ Моисей нумәсәс, ԓўв хӑнам йохԓаԓ ŏша пайәтԓәԓаԓ, ԓўв йошәԓ сӑхат ԓывиԓаԓа Турәм нŏх пайтәсты щир мӑԓ; тўп ԓыв ŏша ӑт пайәтсэԓ.

Acts 7:25 ပူးပေါင်းရင်းမြစ်များ

Luke 18:34

Туп утәԓтәты йохԓаԓ щит эԓты нэмәԓты ŏша ӑт пайәтсәт; щи йасӈәт ԓывиԓаԓа хӑԋа щир тӑйсәт, пӑ йастәм ŏт ԓыв ŏша ӑт пайәтсэԓ.

Luke 9:45

Ԓыв щи йасәӈ ŏша ӑт пŏтсэԓ, пӑ ԓыв эԓтэԓ щит лӑп уса, щишән ԓыв ӑт мŏштәсэԓ, Ԓўвеԓ щит эԓты ищмәты пӑ ԓыв пӑԓсәт.

Acts 14:27

Щи йŏхәтман пӑ пойәкщәты мŏхет йӑха ӑкәтман йўпийән, ԓын хŏԓ иса пŏтәртсәԓән, мўй ԓын пиԓәнән Турәм верәс пӑ мўй щирән Ԓўв эвәԓты вер ов па рут мира пел пўшсәԓы.

Acts 15:4

Иерусалима йŏхәтмеԓ кемән, ԓыв пойәкщәты мŏхетән, апостоләтән пӑ ун икетән вана ўсайәт, пӑ Павел пӑ Варнава такан иса хŏԓыйэ йастәсԓән, Турәм мўй ԓын пиԓанән верәс пӑ хŏты па рут йоха эвәԓты вер ов пел пўншәс.

Acts 15:7

Хув нумәсмеԓ йўпийән Петра, нŏх ԓойман, ԓывиԓаԓа йастәс: «Хӑнам йох! Нын уйәтԓәты, Турәм оԓәӈ хӑтԓәт эԓты мўӈ эԓтэв мӑнэм пирысԓы, ма ўӈԓэм эԓты па рут мир Йӑм Айкеԓ йасәӈ ат хуԓсәт пӑ ат эвәԓсәт;

Acts 21:19

Ԓывиԓаԓ ўщайән верман, Павел ԓӑтйан-карйан пŏтәртсәԓы, ԓўв верәм верԓаԓ мŏхты ӑт эвәԓты па рут мир кўтән Турәм мўй верәс.

Acts 7:24

Пӑ, ԓыв эԓтыԓаԓ ит, атмащ йэшаԓәты кащаԓәмаԓ кемән, эԓт питсәԓы. Пӑ кетмәм ŏт урәӈән Египет ху пӑратсәԓы.

Acts 7:26

Кимет хӑтәԓ, хун ԓыв эԓтыԓаԓ кӑтән кўтәрмәстән, ԓўв йŏхтәс пӑ ԓынан йӑм щира уԓты пеԓа хўщиԓысԓы, пŏтәртман: «Нын – хӑнам йохӈән; мўйа кўтԓәнән йэшащԓәтән?»