Acts 6:9 - Хӑнты Перевод Библии

⁹ Тухәԓ, щиты айәԓты Либертинәт, пӑ Киринейәт, пӑ Александрийәт иудейәт пойәкщәты хот эԓты уԓты мŏхет, пӑ тухәԓ Киликия пӑ Асия эԓты уԓты мŏхет, Стефан пиԓән ўра вортты питсәт;

Acts 6:9 ပူးပေါင်းရင်းမြစ်များ

Luke 21:12

Щитәт йэԓпийән, нын иԓ катәԓтты питԓайты пӑ ԋўхәтԓыты питԓайты, Турәм йасӈа утәԓтәты хотәта, касна хотәта мӑты питԓайты, хонәта пӑ рим йохәтән пŏнәм кущайәта Ма нэмем урәӈән туты питԓайты;

Acts 11:20

Ԓыв эԓтыԓаԓ тухԓәт Кипр хŏйатәт, тухԓәт пӑ Киринея хŏйатәт усәт, хŏй Антиохияйа йŏхәтман, Турәм Куща Иисус эԓты Йӑм Айкеԓ грек йохәта пŏтәртсәт.

Acts 13:1

Антиохия вошән, щита уԓты пойәкщәты хойатәт ӑктәщиты вер хŏща тухәԓ Турәм айкеԓ туты хŏйатәт пӑ утәԓтәты йох усәт: Варнава, пӑ Нигера айәԓтты Симеон, пӑ Луций, Киринея ху, пӑ Манаил, Ирод ԋӑԓмет мўв щуӈ куща пиԓән энмәм ху, пӑ Савл.

Acts 13:45

Туп иудейәт, мир шийаԓәмеԓ кемән, ԓоԓәмты нŏмәсән тэкәтсайәт пӑ, кӑткўтән уԓман пӑ ўӈращтыман, Павел пŏтәртты верәт пеԓа ўра вортты питсәт.

Acts 15:23

Ԓыв пиԓԓаԓән щимәщ хӑншәм айкеԓ мӑсәт: «Апостоләт пӑ ун икет пӑ хӑнам йохәт Антиохияйән, Сирияйән пӑ Киликияйән уԓты па рут мир эԓты уԓты хӑнам йохәта: ўща уԓаты.

Acts 15:41

пӑ Сирия пӑ Киликия сӑхат, пойәкщәты мир такапман, йӑӈхәс.

Acts 16:6

Фригия пӑ Галатия мўв сӑхат мӑнман, Йэмәӈ Ԓыԓән Асия мўвән ԓыв Йӑм айкеԓ туты ӑт эсәԓсайәт.

Acts 18:24

И мӑтты иудей, нэмәԓән Аполлос, Александрия вошәӈ ху, туса пŏтәртты пӑ Йэмеӈ Нэпек уйәтты ху, Ефеса йŏхтәс.

Acts 19:10

Кӑт тӑԓ-ԓўӈ кем хўват щиты ус, Асия мўвән уԓты хŏйатәт, иудейәт мўй пӑ грекәт, Турәм Куща Иисус эԓты уԓты утәԓтәпса хŏԓыйэ хуԓсэԓ.

Acts 19:26

щи кўтән нын ватԓәты пӑ хуԓԓәты, ӑнта туп Ефесән, иса хӑщ Асия ԓŏватән щи Павел ар хŏйат ԓўв эвԓәптәты верәԓән йŏвра хўщәс, пŏтәртман, мӑтты хŏйат йошән верты ŏт - щит ӑнта ԓуӈхәт.

Acts 21:27

Хун пӑ ԓапәт хӑтәԓ хŏԓаты ванамәс, щи пŏрайән Асия эԓты уԓты иудейәт ԓўвеԓ Турәм Хотән шийаԓәмеԓ кемән, мир хŏԓ йэшащты хўщсэԓ пӑ ԓўвеԓ катәԓсэԓ,

Acts 21:39

Павел пӑ йастәс: «Ма Киликия мўвән уԓты Тарс ун вошәӈ иудей ху. Нӑӈен пойәкԓәм, мӑнэм мир пеԓа йастәты эсԓы».

Acts 22:19

Ма йастәсәм: "Турәм Куща! Ԓыв уйәтԓэԓ, ма Нӑӈена эвәԓты хŏйатәт касна хота тухрыԓысԓам пӑ иудейәт пойәкщәты хотәтән сэӈкиԓысԓам,

Acts 22:3

«Ма иудей ху, Киликияйән уԓты Тарс вошән сэма питәм ŏт, тӑм вошән Гамалиил утәԓтәты ху хŏща энмәԓтәм ŏт, ащиԓув Закон щирән шек йӑма утәԓтәм ŏт, Турәм вер пеԓа такан уԓты ŏт, хŏты нын хŏԓ ин уԓԓәты.

Acts 23:34

Куща ики, айкеԓәӈ нэпек ԓуӈәтмаԓ йўпийән, иԋщәссәԓы, мӑты мўв щуӈ эԓты ԓўв уԓ. Павел Киликия эԓты уԓты мŏштәмаԓ кемән, йастәс:

Acts 24:18

Ма Турәм Хотән уйәтсайәм, хун ма сыстамтыты верәт версәм, пӑ щита нэмәԓты мир пӑ йэшащты сый уԓмаԓ ӑнтом.

Acts 26:11

Пӑ хŏԓ иудейәт пойәкщәты хотәтән ма ар пўш ԓывиԓаԓ шукатысԓам пӑ Иисус атма айәԓты иԉамтысԓам пӑ, ԓыв пеԓайэԓ шек ԉикащман, хŏԓна пӑ па мўв вошәтән ԋухәтԓысԓам.

Acts 6:10

туп ԓыв, Стефан Йэмәӈ Ԓыԓ йурән ŏшәӈа–щащәӈа пŏтәртәм щир йэщаԓт, нэмәԓты ԓощәԓтәты ӑт верәтсәт.