Acts 5:34 - Хӑнты Перевод Библии

³⁴ Мӑтты Гамалиил нэмпи фарисей, Закона утәԓтәты ху, мирән хŏԓ сӑмәӈа тӑйԓа, синедрионән нŏх ԓойман, апостоләт сора кеша ким тутԓыты партсәԓы,

Acts 5:34 ပူးပေါင်းရင်းမြစ်များ

Luke 2:46

Хуԓәм хӑтәԓ xӑщәм йўпийән Ԓўвеԓ Турәм Хотән уйәтсәԓән, утәԓтәты йохәт кўтән ԓывиԓаԓ хуԓәтман пӑ ԓыв эԓтыԓаԓ иԋщәсман опсәс;

Luke 5:17

И хӑтәԓән, хун Иисус хŏйатәт утәԓтәс, щита Галилея пӑ Иудея куртәт эԓты, Иерусалим вош эԓты па йŏхтәм фарисейәт пӑ Закона утәԓтәты икет омәссәт; Турәм Куща йур мушәӈ хŏйатәт тўмтака верты верән этԓыйәс.

Acts 22:3

«Ма иудей ху, Киликияйән уԓты Тарс вошән сэма питәм ŏт, тӑм вошән Гамалиил утәԓтәты ху хŏща энмәԓтәм ŏт, ащиԓув Закон щирән шек йӑма утәԓтәм ŏт, Турәм вер пеԓа такан уԓты ŏт, хŏты нын хŏԓ ин уԓԓәты.

Acts 4:15

Щӑԓта, синедрион эԓты ԓывиԓаԓ ким этты партман йўпийән, ԓыв кўтэԓән нумәссәт,

Acts 5:21

Ԓыв хуԓтмәсәт пӑ аԓәӈсӑхат Турәм Хота ԓŏксәт пӑ хŏйатәт утәԓтәсәт. Щи кўтән Турма йир верты ŏх ики пӑ ԓўв пиԓәԓән уԓәм ŏтәт йŏхәтмеԓән, синедрион пӑ Израиль пŏхәт эԓты уԓты ун икет хŏԓ вохсәԓаԓ пӑ касна хота апостоләт туты хŏйат китсәт.

Acts 5:27

Ԓывиԓаԓ тўвмеԓ йўпийән, синедрион хŏща ԓощәԓтәсԓаԓ; пӑ Турма йир верты ŏх ики ԓывиԓаԓ иԋщәссәԓы, пŏтәртман:

Acts 5:35

ԓывиԓаԓа пӑ йастәс: «Израиль йох! Нын щирәнән тӑм хŏйатәт эԓты нумәсаты, мўй нынан ԓыв пиԓԓаԓән верты.