Acts 5:32 - Хӑнты Перевод Библии

³² Ԓўв хŏщайәԓ иса тӑм вантәм ŏтәт мўӈ пӑ Йэмәӈ Ԓыԓ, Хŏйтаԓ Турәм щитәта мӑс, хŏй Ԓўвеԓа хуԓәтәԓ».

Acts 5:32 ပူးပေါင်းရင်းမြစ်များ

Acts 1:8

нын йур вана ўԓты, хун нын хŏщайән Йэмәӈ Ԓыԓ ŏхәԓәԓ; пӑ Иерусалимән пӑ иса Иудея пӑ Самария ԓŏватән хŏԓна пӑ мўв кимәԓ унты Мӑнэм вантәм хŏйатәта уԓты питԓәты».

Acts 10:44

Хун Петра хŏԓна щи пŏтрәԓ йэԓԓы тусԓы, Йэмәӈ Ԓыԓ кашәӈ йасәӈ хуԓәнтәм хŏйата эсԓәщәс.

Acts 13:31

Ԓўв ар хӑтәԓ хўват щитәта этԓыйәс, хŏй Ԓўв пиԓәԓән Галилей эԓты Иерусалима этәс пӑ хŏй ин мир йэԓпийән Ԓўвеԓ вантәм ŏтәта уԓԓәт.

Acts 15:28

Йэмәӈ Ԓыԓ пӑ мўӈ тӑм мосты вер тўмпийән нынан нэмәԓтты па вер верты ӑт мӑԓув:

Acts 2:32

Турәм Тӑм Иисус нŏх ԓыԓӈатсәԓы, щит хŏща мўӈ хŏԓ вантәм хŏйатәта усув.

Acts 2:4

Пӑ хŏԓыйэ Йэмәӈ Ԓыԓән тэкәтсайәт, щӑԓта па йасӈәтән пŏтәртты питсәт, хŏты Ԓыԓ ԓывиԓаԓа пŏтәртты щир мӑс.

Acts 5:29

Петра пӑ па апостоләт йŏхԓы йастәсәт: «Хŏйатәта пŏнман, мўӈев Турма аршәк хуԓәтты мосәԓ.