Acts 5:12 - Хӑнты Перевод Библии

¹² Апостоләт йошән мир хŏща тэԓыйэ йэмәӈ посәт пӑ вантыԓԓаӈәԓ верәт тыйәԓтысайәт; пӑ хŏԓыйэ и нŏмәсән Соломон хот йӑтән уԓԓысәт.

Acts 5:12 ပူးပေါင်းရင်းမြစ်များ

Acts 1:14

Хŏԓыйэ ԓыв и йӑха пойәкщәман усәт нэӈәт пӑ Мария, Иисус аԋԏи пиԓән, пӑ Ԓўв ху апщиԓаԓ пиԓән.

Acts 14:3

Пӑ хŏты, ԓын щита йӑм хўват усӈән. Ԓын Турәм Куща эԓты хӑрщийа пŏтәртсәӈән, Хŏй Ԓўв йӑмәԓ йасәӈ ныты урәӈән, ԓын йошԓәнән йэмәӈ посәт пӑ вантыԓԓаӈәԓ верәт верәс.

Acts 16:18

Щиты ԓўв ар хӑтәԓ верыԓыйәс. Павел, ԉикащман, кўԉ сŏх пеԓа карэмәс пӑ йастәс: «Иисус Христос нэмән нӑӈен ԓўв ԓыпеԓ эԓты ким этты партԓэм». Пӑ атәм ԓыԓ ищи кумат ким этәс.

Acts 19:11

Турәм пӑ Павел йош мŏхты мŏԓты арат вантыԓԓаӈәԓ вер верәс,

Acts 2:46

Щӑԓта кашәӈ хӑтәԓ, и нŏмәсән уԓман, Турәм Хотән уԓԓысәт пӑ, хотәтән ԋаԋ морәтман, амтәтԓыман пӑ вещкат сӑмән уԓман, ԓэсәт,

Acts 28:9

Тӑм вер йўпийән пухәрән уԓты, муш тӑйты па мŏхет йŏхтыԓысәт пӑ тўмтака верыԓысайәт,

Acts 3:11

Пӑ тўмтака йўвәм нохәм ху Петра пӑ Иоанн эԓты пўӈԓа ӑт мӑныԓыйәԓ, щишән мир хŏԓ, шек пакәнман, ԓын хŏщайән Соломон хот йата хухәԓсәт.

Acts 4:30

Нӑӈ йошен йэԓ ԋинши пӑ кӑшаӈ хŏйатәт тўмтака вераԓән, Нӑӈ Иисус Йэмәӈ Пŏхен нэмән йэмәӈ посәт пӑ вантыԓԓаӈәԓ верәт вера».

Acts 9:33

Щита ԓўв Энея нэмпи и хŏйат уйтәс, хŏй ԋийәԓ тӑԓ ŏԓттӑхайәԓән, щащԓы питман, ŏԓәс.

Acts 9:40

Петра мŏхет хŏԓ ким партсәԓы пӑ, шанша иԓ эсԓәщман, пойәкщәс, пӑ, мотавтәԓ пеԓа ватман, йастәс: «Тавифа! Нŏх ԓойа». Щӑԓта ԓўв сэмӈиԓаԓ пел пўшсәԓы пӑ, Петра шийаԓәмаԓ кемән, нŏх опсәс.