Acts 4:30 - Хӑнты Перевод Библии

³⁰ Нӑӈ йошен йэԓ ԋинши пӑ кӑшаӈ хŏйатәт тўмтака вераԓән, Нӑӈ Иисус Йэмәӈ Пŏхен нэмән йэмәӈ посәт пӑ вантыԓԓаӈәԓ верәт вера».

Acts 4:30 ပူးပေါင်းရင်းမြစ်များ

Acts 2:22

Израиль йох! Тӑм йасӈәт хуԓәнтаԓән: Иисус, Назарет вош хŏйат, Турәм эԓты нынана йурәӈ пӑ вантыԓԓаӈәԓ верәт пӑ йэмәӈ посәт сӑхат ватәԓтәм Ху, щитәт Турәм Ԓўв мŏхтэԓ нын кўтәнән верәс, хŏты нын щи уйәтԓәԓән,

Acts 2:43

Кашәӈ сӑмән пӑԉщәм ус; щӑԓта ар вантыԓԓаӈәԓ верәт пӑ йэмәӈ посәт Иерусалимән апостоләт мŏхты тыйсәт.

Acts 3:13

Авраам пӑ Исаак пӑ Иаков Турәм, мўӈ ащиԓув Турәм, Ԓўв Иисус Пŏхәԓ вŏԓаӈ щирәԓ этәԓтәсԓы, Хŏй нын веԓты мӑсԓән пӑ Хŏй эԓты, Пилат хуԓәтман, пўӈԓа ўратсәты, хун щитэн Ԓўвеԓ хŏԓт эсәԓты ўтщисԓы.

Acts 3:16

Пӑ Иисус нэм хўватән эвәԓты урәӈән, Ԓўв нэмәԓән тӑмен такапса, хŏй пеԓа нын ватԓәты пӑ ԓўвеԓ уйәтԓәԓән. Пӑ Иисус эԓты уԓты эвәԓты щир, хŏԓ нын ватман, тўмтака йиты вер верәс.

Acts 3:6

Туп Петра йастәс: «Щел ŏх пӑ сорԋи ма ӑт тӑйԓәм; мўй тӑйԓәм, щит нӑӈен мӑԓәм: Назарет эԓты уԓты Иисус Христос нэм хўватән ԓойа пӑ шушиԓыйа».

Acts 4:10

нын хŏԓ пӑ хŏԓ Израиль мир уйтаԓән: тӑм хŏйат ин нын йэԓпанән тўмтака ԓойәԓ Назарет эԓты уԓты Иисус Христос нэм хўват, Хŏй нын пернайа сэксәԓән пӑ Хŏй пӑрәм эԓты Турәмән нŏх ԓыԓӈатса!

Acts 4:27

Йӑна тӑм вошән Нӑӈ Йэмәӈ Пŏхен Иисус, Нӑӈ ԋŏсытәм Ŏтэн, йэщаԓт, Ирод пӑ Понтий Пилат па мир йох пӑ Израиль йох пиԓән ӑктәщсәт,

Acts 5:12

Апостоләт йошән мир хŏща тэԓыйэ йэмәӈ посәт пӑ вантыԓԓаӈәԓ верәт тыйәԓтысайәт; пӑ хŏԓыйэ и нŏмәсән Соломон хот йӑтән уԓԓысәт.

Acts 6:8

Стефан пӑ, эвәԓты верән пӑ йурән тэкәнман, вŏԓаӈ вантыԓԓаӈәԓ верәт пӑ йэмәӈ посәт мир хŏща верәс.