Acts 3:6 - Хӑнты Перевод Библии

⁶ Туп Петра йастәс: «Щел ŏх пӑ сорԋи ма ӑт тӑйԓәм; мўй тӑйԓәм, щит нӑӈен мӑԓәм: Назарет эԓты уԓты Иисус Христос нэм хўватән ԓойа пӑ шушиԓыйа».

Acts 3:6 ပူးပေါင်းရင်းမြစ်များ

Acts 10:38

Хŏты Турәм Назарет эԓты уԓты Иисус Йэмәӈ Ԓыԓән пӑ йурән ԋŏсәтсәԓы. Пӑ Ԓўв йӑм верман пӑ хŏԓ хŏйатәт, хŏй хиԋән катәԓман усайәт, тўмтака верман, йӑӈхәс, Турәм Ԓўв пиԓәԓән ус, щишән.

Acts 16:18

Щиты ԓўв ар хӑтәԓ верыԓыйәс. Павел, ԉикащман, кўԉ сŏх пеԓа карэмәс пӑ йастәс: «Иисус Христос нэмән нӑӈен ԓўв ԓыпеԓ эԓты ким этты партԓэм». Пӑ атәм ԓыԓ ищи кумат ким этәс.

Acts 2:22

Израиль йох! Тӑм йасӈәт хуԓәнтаԓән: Иисус, Назарет вош хŏйат, Турәм эԓты нынана йурәӈ пӑ вантыԓԓаӈәԓ верәт пӑ йэмәӈ посәт сӑхат ватәԓтәм Ху, щитәт Турәм Ԓўв мŏхтэԓ нын кўтәнән верәс, хŏты нын щи уйәтԓәԓән,

Acts 2:36

Щишән Израиль хот тэԓ такан ат уйәтԓәԓы, Тӑм Иисус, Хŏй нын пернайа сэксәԓән, Турәм Ԓўвеԓ Турәм Кущайа пӑ Христоса пŏтсәԓы!»

Acts 3:16

Пӑ Иисус нэм хўватән эвәԓты урәӈән, Ԓўв нэмәԓән тӑмен такапса, хŏй пеԓа нын ватԓәты пӑ ԓўвеԓ уйәтԓәԓән. Пӑ Иисус эԓты уԓты эвәԓты щир, хŏԓ нын ватман, тўмтака йиты вер верәс.

Acts 3:5

Щӑԓта ԓўв ԓын пеԓайән хŏрат ӑӈкәрмәс, ԓын эԓтайән мŏԓты йоша пайәтты нумәсәс.

Acts 3:7

Щӑԓта, ԓўвеԓ йӑм пеләк йошәԓ эԓты катәԓман, нŏх ԓощәԓтәсԓы; пӑ ищи мŏхты ԓўв кўр пушәхԓаԓ пӑ шаншŏхԓаԓ такамәсәт,

Acts 4:10

нын хŏԓ пӑ хŏԓ Израиль мир уйтаԓән: тӑм хŏйат ин нын йэԓпанән тўмтака ԓойәԓ Назарет эԓты уԓты Иисус Христос нэм хўват, Хŏй нын пернайа сэксәԓән пӑ Хŏй пӑрәм эԓты Турәмән нŏх ԓыԓӈатса!

Acts 4:7

Щӑԓта, ԓынан кўтԓәпа ԓощәԓтәман, иԋщәссэԓ: «Мўй йурән пӑ мўй нэмән нын тӑми версәтән?»

Acts 9:34

Петра ԓўвеԓ йастәс: «Эней! Нӑӈ Иисус Христосән тўмтака верԓайән; ŏԓттӑхайэн эԓты нŏх ԓойа». Пӑ ԓўв ищи мŏхты нŏх ԓойәс.