Acts 3:13 - Хӑнты Перевод Библии

¹³ Авраам пӑ Исаак пӑ Иаков Турәм, мўӈ ащиԓув Турәм, Ԓўв Иисус Пŏхәԓ вŏԓаӈ щирәԓ этәԓтәсԓы, Хŏй нын веԓты мӑсԓән пӑ Хŏй эԓты, Пилат хуԓәтман, пўӈԓа ўратсәты, хун щитэн Ԓўвеԓ хŏԓт эсәԓты ўтщисԓы.

Acts 3:13 ပူးပေါင်းရင်းမြစ်များ

Luke 22:57

Туп Петра Ԓўв эԓтэԓ пўӈԓа уратәс, митнэӈа щиты йастәман: "Ма Ԓўвеԓ ӑт уйәтԓэм".

Luke 23:4

Пилат Турма йир верты хŏйатәт ŏх икета пӑ мир пеԓа йастәс: "Ма нэмәԓты нўр тӑм хŏйат хŏща ӑт уйәтԓәм".

Luke 6:37

Аԓ сўтытаты пӑ нынан нэмәԓты хŏйат сўтәтты ӑт питәԓ. Аԓ ԋухмантаты, пӑ нын эԓтан нэмәԓты хŏйат ԋухматты ӑт питәԓ. Нўр аԓ нуматы, пӑ нын нўрԓән ищи йŏрэмәԓайәт.

Acts 22:14

Ԓўв пӑ мӑнэм йастәс: "Мўӈ ащиԓув Турәм нӑӈен пирыйәс, наӈ Ԓўв ԓӑӈхаты щирәԓ ŏша ат пайәтсэн, Вещкат Ŏт ат шийаԓәсән пӑ тўр сый Ԓўв ўӈԓәԓ эԓты ат хуԓсән.

Acts 24:14

Туп щи хŏща нӑӈен эԓпа йастәԓэм, утәԓтәпса хўват, мўй ԓыв ӑт рӑхты щира айәԓԓэԓ, йӑна ма ащиԓам Турма верәт верԓәм, иса щитәта эвәԓман, мўй Законән пӑ Турәм айкеԓ туты хŏйатәт нэпекәт хŏща хӑшман уԓԓа,

Acts 3:12

Петра щит шийаԓәмаԓ кемән мир пеԓа йастәс: «Израиль йох! Мўй тӑми эԓты пакәнԓәты, мўй мўӈ пеԓайэв ватԓәты, ищи мӑтты ки мин йурԓәмәнән мўй пӑ йӑмԓәмәнән щиты версэмән, ԓўв шушиԓыйәԓ?

Acts 3:26

Турәм, Ԓўв Иисус Пŏхәԓ ԓыԓӈатмаԓ кемән, оԓӈа нын хŏщайәна Ԓўвеԓ китсәԓы, нынана йӑм мӑты урәӈән пӑ кашәӈ ŏтән нын ԉикәӈ верԓән эԓты шӑшән керәтты урәӈән».

Acts 4:27

Йӑна тӑм вошән Нӑӈ Йэмәӈ Пŏхен Иисус, Нӑӈ ԋŏсытәм Ŏтэн, йэщаԓт, Ирод пӑ Понтий Пилат па мир йох пӑ Израиль йох пиԓән ӑктәщсәт,

Acts 4:30

Нӑӈ йошен йэԓ ԋинши пӑ кӑшаӈ хŏйатәт тўмтака вераԓән, Нӑӈ Иисус Йэмәӈ Пŏхен нэмән йэмәӈ посәт пӑ вантыԓԓаӈәԓ верәт вера».

Acts 7:32

'Ма нӑӈ ащиԓан Турәм, Авраам Турәм пӑ Исаак Турәм пӑ Иаков Турәм'. Моисей, хŏрщәм эԓты тӑрыман, йэщаԓт ватты ӑт веритәс.