Acts 28:2 - Хӑнты Перевод Библии

² Пухәрән шŏшийа уԓәм па сыр хŏйатәт мўӈева йӑм арат ԋотәп версәт. Йэрт пӑ ищки уԓәм пӑтыйән, ԓыв тўт пŏтсәт пӑ хŏԓыйэ мўӈев вана вохсәԓаԓ.

Acts 28:2 ပူးပေါင်းရင်းမြစ်များ

Acts 27:3

Кимет хӑтәԓ Сидон хŏща хойсув. Юлий, Павел пиԓән йӑм щира ус, ԓухәсԓаԓ хŏща ԓўвеԓ йӑхты эсәԓсәԓы пӑ ԓыв ԓўв верԓаԓ эԓты ат нумәссәт.

Acts 28:3

Хун пӑ Павел варәс аԓтэԓ ӑктәс пӑ тўта пŏныԓыйәс, ŏхты вой, тўт рўв эԓты хŏнтаман, ԓўв йошәԓа, пŏрэмәман, иԓԓы лўԋиты питәс.

Acts 28:4

Хун пухрәӈ хŏйатәт, Павел йош эԓты ŏхты вой иԓԓы лўԋиты шийаԓәсәт, ԓыв кўтԓаԓән пŏтәртты питсәт: «Уйәтман, тӑм хŏйат веԓтатты ŏт: ԓўв щарәс эԓты нŏх питәс, туп вещкат ԓух сўт ԓўвеԓ ԓыԓӈа уԓты ӑт хӑйԓәԓы».