Acts 26:5 - Хӑнты Перевод Библии

⁵ Ԓыв хўв тэԓән ма эԓтэм уйәтԓәт, туп уйәтты вер аԉты ԓӑӈхамәԓәт ки, ма фарисейа усәм. Щит мўӈ эвәԓты верэв хŏща мет так утәԓтәпса.

Acts 26:5 ပူးပေါင်းရင်းမြစ်များ

Acts 15:5

Щиӈәԋща тухәԓ фарисейәт эԓты эвԓәм мŏхет ўшмащты питсәт пӑ пŏтәртсәт, па рут йох эвтәптәты пӑ Моисей закон нŏх катәԓты партты мосәԓ.

Acts 22:3

«Ма иудей ху, Киликияйән уԓты Тарс вошән сэма питәм ŏт, тӑм вошән Гамалиил утәԓтәты ху хŏща энмәԓтәм ŏт, ащиԓув Закон щирән шек йӑма утәԓтәм ŏт, Турәм вер пеԓа такан уԓты ŏт, хŏты нын хŏԓ ин уԓԓәты.

Acts 22:5

Щит вантәм ŏтәт - Турма йир верты ŏх ху пӑ йӑха актәщиты ун икет аратэԓән. Ма хŏԓна ԓыв эԓтыԓаԓ Дамаск вошәӈ хӑнам йохәта хӑншәм айкеԓ нэпекәт ўсәм пӑ щи мӑтсәм, христианәт эԓты хŏй щита ус пӑ щитәт катәԓты, пӑ ԓывиԓаԓ Иерусалима сэкты урәӈән туты.

Acts 23:6

Павел уйәтсәԓԓы, итәт саддукейа усәт, киметәт пӑ - фарисейа, щишән ԓўв синедрион йох пеԓа такан йастәс: «Хӑнам йох, ма фарисей, фарисей пŏх, пӑ ма пӑрәм ŏтәт нŏх ԓыԓәӈԓәты щир пеԓа нŏмәс пŏнмем урәӈән сўтәтԓайәм».

Acts 24:14

Туп щи хŏща нӑӈен эԓпа йастәԓэм, утәԓтәпса хўват, мўй ԓыв ӑт рӑхты щира айәԓԓэԓ, йӑна ма ащиԓам Турма верәт верԓәм, иса щитәта эвәԓман, мўй Законән пӑ Турәм айкеԓ туты хŏйатәт нэпекәт хŏща хӑшман уԓԓа,

Acts 24:5

Мўӈ тӑм хŏйат рома уԓты щир ԓыԓәтты ŏта ԓўӈәтԓэв, ԓўв - иудейәт кўтән керәтман мўв ԓŏватән йэшащты вер пеԓа ŏх ху. Ԓўв Назарет эԓты уԓты Иисус ӑт рӑхты утәԓтәпса пеԓа уԓты ŏх ху,