Acts 26:18 - Хӑнты Перевод Библии

¹⁸ ԓывиԓаԓа сэмԓаԓ пел пўшты, ԓыв пӑтлам эԓты нŏви пеԓа ат ӑӈкәрмәсәт пӑ хиԋ йур эԓты Турәм пеԓа, пӑ Мӑнэма эвәԓты верән кӑрэк йŏрэмәты щир пӑ йэмәӈа пайтәм мŏхет кўтән уԓты щир ат мŏщатсәт'.

Acts 26:18 ပူးပေါင်းရင်းမြစ်များ

Luke 1:77

Ԓўв мирәԓа щит ŏша пайәтты мӑты урәӈән: кӑрэкԓаԓ йŏрэмәты щир хŏща ԓыԓ этәԓтәты вер уԓ,

Luke 1:79

пӑтламән пӑ хӑԓа хŏрән уԓты xŏйатәт нŏх хутԓәптәты урәӈән, мўӈ кўрԓув пайԓы уԓәпса йуш хўват мӑнәԓтты урәӈән."

Luke 2:32

пўншантәм нŏви Турәм ӑт уйәтты па рут мира пӑ ишәк йасәӈ Израиль мирэна ԓэщатсэн!"

Luke 24:45

Щиӈәԋща Ԓўв, Йэмәӈ Нэпек йасӈәт мŏштәты урәӈән, ԓыв ŏшԓаԓ пел пайәтсәԓы.

Luke 24:47

Ԓўв нэмәԓән мирәта хŏԓ, Иерусалим вош эԓты питщәман, кӑрэк эԓты шӑшән керԓәты пӑ йŏрэмәты щир сыйәӈа пŏтәртты мосәԓ.

Luke 4:18

"Турәм Куща Ԓыԓ Ма хŏщайэм уԓ; Ԓўв Мӑнэм, куԋарәта Йӑм айкеԓ йастәты урәӈән, ԋŏсәтсәԓы, пӑ Мӑнэм, сӑмԓаԓ рӑкнәм хŏйатәт тўмтака верты урәӈән, китсәԓы, ԋӑрэмәм хŏйатәта хŏԓт сŏхәнты вер пӑ сэмԓы хŏйатәта – сэмәӈа йиты вер аԉты китсәԓы, шукатты хŏйатәт хŏԓт эсәԓты китсәԓы,

Acts 10:43

Ԓўв эԓтэԓ хŏԓ Турәм айкеԓ туты хŏйатәт аԉԓәт, кашәӈ Ԓўвеԓа эвәԓты ŏт Ԓўв нэмәԓән кӑрэк йŏрэмәты щир мŏщатәԓ».

Acts 13:47

Тӑмиты Турәм Куща мўӈева йасәӈ хӑйәс, щишән: 'Ма Нӑӈен па рут йоха нŏви кеша пŏтсэм, Нӑӈ, нŏх пайтәсты щир урәӈән, мўв сŏхәнты унты ат усән'.

Acts 15:9

Щӑԓта мўӈ пӑ ԓыв кўтэԓа нэмәԓтты кӑт сыра вантәсты щир ӑт пŏнәс, эвәԓты верән ԓыв сӑмԓаԓ сыстапсәԓы.

Acts 2:38

Петра пӑ ԓывиԓаԓа йастәс: «Кӑрэкԓән эԓты шӑнша керԓаты, пӑ нын эԓтан кашәӈ ŏт Иисус Христос нэм хўватән йиӈка ат ԓŏӈәԓтыса кӑрэкәт йŏрэмәты урәӈән; пӑ Йэмәӈ Ԓыԓ мойԓәпсайа ўйаԓән.

Acts 20:21

Ма иудейәта па, грекәта па такан йастыԓысәм, ԓыв кӑрэк эԓты шӑшән керԓәман, Турәм пеԓа ат керԓәсәт пӑ мўӈ Турәм Кущайэва Иисуса Христоса ат эвәԓсәт.

Acts 20:32

Пӑ ин нынан, хӑнам йох, Турма пӑ Ԓўв йӑмәԓ эԓты уԓты йасӈа эвԓәптәԓԓам, хŏй нынан утәԓтәты пӑ нынана Ԓўв йэмәӈ мирәԓ кўтән ŏх вŏԓ мӑты верәтәԓ.

Acts 26:19

Щишән, Агриппа хон, ма турәм хӑр вантәпса эԓты йŏвра ӑт керԓәсәм,

Acts 26:23

тŏрԓы ки, мӑтты Христоса шук туты мосәс пӑ, мет оԓӈа парәм эԓты нŏх ԓыԓәӈԓәмаԓ йўпийән, мўӈ мирэва пӑ па рут мира нŏви такан айәԓтты мосәс».

Acts 3:19

Щиӈәԋща, кӑрэкԓән эԓты шӑнша керԓаты пӑ Турәм пеԓа ӑӈкәрматы, нын кӑрэкԓән нŏх ат ушисайәт,

Acts 5:31

Ԓўвеԓ Турәм Ԓўв йошәԓән Кущайа пӑ Нŏх пайәтты Ŏта пŏтсәԓы Израильа кӑрэк эԓты шӑнша керԓәты щир пӑ кӑрэк йŏрэмәты щир мӑты урәӈән.