Acts 24:5 - Хӑнты Перевод Библии

⁵ Мўӈ тӑм хŏйат рома уԓты щир ԓыԓәтты ŏта ԓўӈәтԓэв, ԓўв - иудейәт кўтән керәтман мўв ԓŏватән йэшащты вер пеԓа ŏх ху. Ԓўв Назарет эԓты уԓты Иисус ӑт рӑхты утәԓтәпса пеԓа уԓты ŏх ху,

Acts 24:5 ပူးပေါင်းရင်းမြစ်များ

Luke 23:19

Варавва, хŏйатәт пиԓән вошәӈ мир пеԓа йэшащман уԓмаԓ урәӈән пӑ веԓтатмаԓ урәӈән, касна хота омәсман уса.

Luke 23:2

щӑԓта Ԓўвеԓ нўрмәԓтты питсэԓ, пŏтәртԓәт: "Мўӈ мŏштәсэв, тӑм Ху мирэв йŏвра хўщԓәԓы пӑ, кесарьа налог мӑты ӑт эсәԓԓәԓы, Ԓўвеԓ Христос Хона айәԓԓәԓы!"

Luke 23:25

ԓўв щит ким эсԓәс, хŏй ԓыв вохсәт, щит, хŏй, йэшащәм пӑ веԓтантәм вер урәӈән, касна хотән ус, Иисус пӑ ԓыв ԓӑӈхатэԓ щира мӑсԓы.

Luke 23:5

Туп ԓыв ўрайԓаԓ нŏх пайәтԓыԓаԓ, пŏтәртман, мӑтты ки Ԓўв Иудея ԓŏватән, Галилея эԓты ўйман тӑм вош унты, мир утәԓтыман, йэшащты хўщԓәԓы.

Acts 15:5

Щиӈәԋща тухәԓ фарисейәт эԓты эвԓәм мŏхет ўшмащты питсәт пӑ пŏтәртсәт, па рут йох эвтәптәты пӑ Моисей закон нŏх катәԓты партты мосәԓ.

Acts 21:28

ўвман: «Израиль йох, ԋотаты! Тӑм хŏйат арат тӑхайән мŏхет мирэва пӑ Закона пӑ тӑм тӑхайа ӑт рӑхты щирән утәԓтәԓ; Щи тўмпийән грекәт Турәм Хота тус пӑ тӑм йэмәӈ тӑха щопитсәԓы».

Acts 22:22

Тӑм йасәӈ унты ԓўв хуԓәтса; щи йўпийән ўвты питсәт, пŏтәртман: «Мўв сŏх эԓты ԓўвеԓ нŏх ушийи! Ԓўвеԓа уԓты ӑт рӑхәԓ».

Acts 24:14

Туп щи хŏща нӑӈен эԓпа йастәԓэм, утәԓтәпса хўват, мўй ԓыв ӑт рӑхты щира айәԓԓэԓ, йӑна ма ащиԓам Турма верәт верԓәм, иса щитәта эвәԓман, мўй Законән пӑ Турәм айкеԓ туты хŏйатәт нэпекәт хŏща хӑшман уԓԓа,

Acts 24:4

Туп, нӑӈен шек ӑт ат тŏрастәты урәӈән, ма нӑӈен сӑмәӈ вер хўватэнән мўӈев йэша тӑхты хуԓәтты пŏйәкԓэм.

Acts 25:7

Хун ԓўв этәс, Иерусалим эԓты йŏхтәм иудейәт керәтман ԓойсәт, Павел артан пӑ ԓавәртан нўрмәԓтты питсэԓ, туп ԓыв щи нўрәт тŏрԓы аԉты ӑт верәтсәԓаԓ.

Acts 26:5

Ԓыв хўв тэԓән ма эԓтэм уйәтԓәт, туп уйәтты вер аԉты ԓӑӈхамәԓәт ки, ма фарисейа усәм. Щит мўӈ эвәԓты верэв хŏща мет так утәԓтәпса.

Acts 28:22

Туп мўӈева нӑӈ эԓтэн хуԓты мосәԓ, хŏты нӑӈ нумәсԓән. Мўӈ уйәтԓэв, тӑм утәԓтәты вер эԓты кашәӈ тӑхайән ўра ворԓәт».

Acts 5:17

Турма йир верты ŏх ики пӑ ԓўв пиԓәԓән хŏԓ, саддукейәт пеԓа уԓты мŏхет, ԓоԓәмты нŏмәсән тэкәтсайәт,

Acts 6:13

Щӑԓта ԋаԓмиты хŏйатәт этәԓтәсәт, хŏйтат пŏтәртсәт: «Тӑм хŏйат нўрасты йасӈәт Турәм Хот пӑ Закон пеԓа йастәты ӑт вŏԓыйәԓ.