Acts 22:4 - Хӑнты Перевод Библии

⁴ Ма хŏԓна сŏрәм унты тӑм утәԓтәпса йўпи тўвәм хŏйатәт ԋухәтԓысԓам, иԓ йӑрман йохәт пӑ нэӈәт касна хота мийԓысԓам.

Acts 22:4 ပူးပေါင်းရင်းမြစ်များ

Acts 16:17

Павел йўпийән пӑ мўӈ йўпевән шушман, ԓўв ўвәс, пŏтәртман: «Тӑм хŏйатәт – Нўм Турма рупитты йохәт, мўӈева нŏх пайтәсты йуш аԉԓәт».

Acts 18:26

Ԓўв, ӑт пӑԓман, иудейәт пойәкщәты хотән пŏтәртты питәс. Ԓўвеԓ хуԓмаԓ кемән Акила пӑ Прискилла ԓўвеԓ вана ўсԓән пӑ тўӈашәк Турәм Куща Йуш ԓўвеԓа таӈсәԓән.

Acts 19:23

Щи пўԉаӈ Турәм Куща Йуш урәӈән ун йэшащты вер тыйәс,

Acts 19:9

Туп ԓыв эԓтыԓаԓ тухԓәт сӑмԓаԓ така версәԓаԓ пӑ эвәԓты ӑт ԓӑӈхасәт, Турәм Куща Йуш мир йэԓпийән ԉикәӈ йасәӈән йастәман. Щиӈәԋща Павел ԓывиԓаԓ хӑймаԓ кемән, утәԓтәты йŏх утща щира ӑкәтсәԓы пӑ и мŏԓты Тиранн ху утәԓтәты хотән кашәӈ хӑтәԓ хŏйатәт утәԓтәсԓы.

Acts 24:14

Туп щи хŏща нӑӈен эԓпа йастәԓэм, утәԓтәпса хўват, мўй ԓыв ӑт рӑхты щира айәԓԓэԓ, йӑна ма ащиԓам Турма верәт верԓәм, иса щитәта эвәԓман, мўй Законән пӑ Турәм айкеԓ туты хŏйатәт нэпекәт хŏща хӑшман уԓԓа,

Acts 7:58

пӑ, вош ким пелка тувман, кевән ԓўвеԓ йовәԓты питсэԓ. Вантәм хŏйатәт пӑ ԓыв ԓумәтты сŏхԓаԓ Савл нэмпи, айкам ху кўрнат шŏма пŏтсәԓаԓ,

Acts 9:21

Щӑԓта хŏԓ хуԓәнтәм хŏйатәт аԓ пакнысысәт пӑ пŏтәртсәт: «Тӑм ӑнта мўй щит, хŏй Иерусалимән тӑм нэм вохты ŏтәт воштыԓыйәс? Йӑна щи пӑ щи урәӈән ты йŏхтәс, ԓывиԓаԓ мŏщатты пӑ Турма йир верты ŏх икет хŏща туты».