Acts 20:3 - Хӑнты Перевод Библии

³ щита ԓўв хуԓәм тыԓәщ ус. Хун ԓўв Сирия мўва хопән мӑнты ӑктәщәс, иудейәт ԓўвеԓ пӑратты вер ԓэщатәм хуԓмаԓ кемән, Македония сӑхат йŏхԓы мӑнты нŏмәс верәс.

Acts 20:3 ပူးပေါင်းရင်းမြစ်များ

Acts 16:12

щиԓта пӑ Филлиппы воша йŏхәтсув: Македония мўв щуӈән мет оԓәӈ вош, Рим пеԓа питәм вош. Тӑм вошән мўӈ кӑмәтса хӑтәԓ усув.

Acts 16:9

Щӑԓта атәԓән Павела ватты щир ус: и мŏԓтты ху, Македония мўвәӈ ху, этәс. Ԓўв ԓойәс пӑ ԓўвеԓ вохԓәԓы: «Македонияйа йŏхта пӑ мўӈева ԋоты».

Acts 18:18

Павел йам арат хӑтәԓ Коринф вошән ус. Щи йўпийән ԓўв хӑнам йох пиԓән пайәм уԓәм верәс пӑ Акила пӑ Прискилла пиԓән Сирия мўва хŏпән мӑнәс. Мӑнтаԓ йэԓпийән Павел Кенхрей вошән ŏхәԓ ԓŏртсәԓы, Турма аԉәм вер тӑйәс, щишән.

Acts 19:21

Хун пӑ щит йэтшәс, Павел, Ԓыԓән тўвман, Македония пӑ Ахаия мўв сӑхат Иерусалима мӑнты нŏмәс верәс, йастәс: «Щи йŏхтыԓытэм йўпийән, мӑ Рим ватты верэм уԓ».

Acts 20:1

Йэшащты вер вŏԓыйәм йўпийән, Павел утәԓтәты йох вана вохмаԓ пӑ ԓыв номәсԓаԓ такапмаԓ йўпийән, ԓыв пиԓԓаԓән пайәмуԓәм верәс, ким этәс пӑ Македония мўва мӑнәс.

Acts 20:19

ма Турәм Куща пеԓа рома уԓман пӑ ар сэмйик мӑнәԓтман верәт версәм, иудейәт верәм ԉикәӈ нŏпсәт пӑтыйән кӑмән кем шук мӑнэм тўты вера йис;

Acts 20:2

Щи тӑхайәт сӑхат мӑнман пӑ эвәԓты хŏйатәт йӑм артан утәԓтәсԓы. Еллада мўва йŏхәтмаԓән,

Acts 21:3

Мўӈ Кипр пухәр мўв ныты ўшән усув пӑ ԓўвеԓ веш пеләк сӑхат хӑйман, Сирия мўва мӑтсув пӑ Тир вош хŏща ўты катәԓсув, тӑта хоп эԓты пŏрмасәт хӑйты моссәт.

Acts 25:3

щит вохман, Фест ԓывиԓаԓа йӑм ат верәс, Павел Иерусалима ат вохсәԓы; пӑ йуш хŏща ԓўвеԓ веԓты нŏмәс версәт.