Acts 2:4 - Хӑнты Перевод Библии

⁴ Пӑ хŏԓыйэ Йэмәӈ Ԓыԓән тэкәтсайәт, щӑԓта па йасӈәтән пŏтәртты питсәт, хŏты Ԓыԓ ԓывиԓаԓа пŏтәртты щир мӑс.

Acts 2:4 ပူးပေါင်းရင်းမြစ်များ

Luke 1:15

Турәм Куща хŏща ԓўв ԓӑтәӈа питәԓ, ўна пӑ па кўтрәӈ ŏт йищты ӑт питәԓ, пӑ хŏԓна аԋԏеԓ хŏща пӑтлам хотән уԓман Йэмәӈ Ԓыԓән тэкәнԓа,

Luke 1:41

Хун Елизавета Мария эԓты ўща йасәӈ хуԓмәс, сӑмәԓ иԓпийән тӑйты ԋаврэмәԓ ԋŏхԓыйәс. Щи кемән Елизавета Йэмәӈ Ԓыԓән тэкәтса,

Luke 1:67

Щӑԓта Захария, Иоанн ащи, Йэмәӈ Ԓыԓән тэкәтса, Турәм эԓты хуԓәм йасәӈԓаԓ пŏтәртты питәс:

Luke 12:12

Йэмәӈ Ԓыԓ нынан щи пўԉаӈ утәԓтәԓԓы, мўй йастәты".

Luke 21:15

Ма нынана щимәщ йасӈәт пӑ ŏш мӑԓәм, нын йэщаԓтән эԓԓәты ŏтԓән йŏхԓы йастәты пӑ йэщаԓт ԓойты ӑт верәтԓәт.

Luke 4:1

Иисус, Йэмәӈ Ԓыԓән тэкәнман, Иордан йŏхан эԓты йŏхԓы мӑнәс, пӑ щи Ԓыԓән хӑр пӑ таԓ мўва тўвман уса.

Acts 1:5

Иоанн йиӈка ԓŏӈәԓтыйәс, нын пӑ, тӑми йўпийән кӑмәтса хӑтәԓ кемән Йэмәӈ Ԓыԓа ԓŏӈәԓтты питԓайты».

Acts 1:8

нын йур вана ўԓты, хун нын хŏщайән Йэмәӈ Ԓыԓ ŏхәԓәԓ; пӑ Иерусалимән пӑ иса Иудея пӑ Самария ԓŏватән хŏԓна пӑ мўв кимәԓ унты Мӑнэм вантәм хŏйатәта уԓты питԓәты».

Acts 10:46

ԓыв хуԓсәт, хŏты щитәт па йасӈәтән пŏтәртсәт пӑ Турәм вŏԓаӈа айәԓтсәт, щишән. Щиӈәԋща Петра йастәс:

Acts 10:47

«Хŏй щитәта йиӈка ԓŏӈәԓтыты ӑт эсәԓты верәтәԓ, хŏйтат, мўӈ итэвән Йэмәӈ Ԓыԓән мойԓысайәт?»

Acts 11:15

Хун пӑ ма пŏтәртты питсәм, ԓыв эԓтыԓаԓа Йэмәӈ Ԓыԓ иԓ эсԓәщәс, оԓәӈән хŏты мўӈ эԓтэва эсԓәщәс.

Acts 11:24

Ԓўв йӑм сӑмпи ху ус пӑ Йэмәӈ Ԓыԓән пӑ эвәԓты щирән тэкәнман уса, щишән. Щиӈәԋща йӑм арат мир Турәм Куща пеԓа керԓәс.

Acts 13:52

Утәԓтәты йох пӑ амәтән пӑ Йэмәӈ Ԓыԓән тэкәнман усайәт.

Acts 13:9

Туп Савл, ԓўв хŏԓна Павел, Йэмәӈ Ԓыԓән тэкәнман пӑ сэмӈиԓаԓ ԓўв пеԓайәԓ пайәтман,

Acts 15:8

пӑ Сӑм Уйәтты Турәм ԓывиԓаԓа ныты пос мӑс, ԓывиԓаԓа Йэмәӈ Ԓыԓ мўӈ итэва мойԓәс.

Acts 19:6

пӑ, хун Павел ԓыв ŏхпӑтԓаԓ эԓты йошӈиԓаԓ пŏтсәԓы, ԓыв эԓтыԓаԓа Йэмәӈ Ԓыԓ иԓ ŏхԓәс, пӑ ԓыв па йасӈәтән пŏтәрты пӑ Турәм эԓты айкеԓ туты питсәт.

Acts 2:11

Крит пӑ Аравия хŏйатәт, ԓывиԓаԓ мўӈ йасәӈԓувән Турәм вŏԓаӈ верәт эԓты пŏтәрттэԓ хуԓԓув»?

Acts 2:3

Пӑ ԓыв хŏщайэԓ лакки ортәсты тўт ԋаԓмәт хŏрпи ŏтәт этсәт, пӑ ԓыв нўмпиԓаԓа ԓӑтәԓ щирән итән, итән вŏԓыԓысәт.

Acts 4:31

Щӑԓта, ԓыв пойәкщәмеԓ йўпийән, хŏта ԓыв ӑкәтман усайәт, щи тӑхайэԓ ԋŏхԓыйәс, пӑ хŏԓыйэ Йэмәӈ Ԓыԓән тэкәтсайәт, пӑ Турәм йасәӈ хурԓы пŏтәртсэԓ.

Acts 4:8

Щиӈәԋща Петра, Йэмәӈ Ԓыԓән тэкәнман, ԓывиԓаԓа йастәс: «Мир кущайәт пӑ Израиль ун икет!

Acts 6:3

Пӑ щӑԓта, хӑнам йох, нын кўтән эԓты ԓэрамтәм йӑм, Йэмәӈ Ԓыԓән пӑ ŏшән–щащән тэкнәм, ԓапәт хŏйат пирыйаты: ԓывиԓаԓ тӑм вер верты ԓощәԓтәԓув.

Acts 6:5

Пӑ тӑм йастәм щир хŏԓ ӑктәщәм мŏхета рӑхи ус; пӑ Стефан, эвәԓты щирән пӑ Йэмәӈ Ԓыԓән тэкнәм ху, пӑ Филипп, пӑ Прохор, пӑ Никанор, пӑ Тимон, пӑ Пармен, пӑ Антиохия вош эԓты уԓты Николай, прозелита уԓәм ху, пирысайәт;

Acts 6:8

Стефан пӑ, эвәԓты верән пӑ йурән тэкәнман, вŏԓаӈ вантыԓԓаӈәԓ верәт пӑ йэмәӈ посәт мир хŏща верәс.

Acts 7:55

Стефан пӑ, Йэмәӈ Ԓыԓән тэкәнман уԓман, турәм хӑр пеԓа ӑӈкәрмәс, Турәм хутԓәты–вŏрԓәты щир пӑ Иисус, Турәм йӑм пеләк сӑхат ԓойтаԓ шийаԓәс,

Acts 8:17

Щишән ԓыв эԓтыԓаԓа йошԓән пŏтсәԓән, пӑ ԓыв Йэмәӈ Ԓыԓ вана ўсэԓ.

Acts 9:17

Анания мӑнәс пӑ хота ԓŏӈәс, йошӈиԓаԓ ԓўв эԓтэԓ пŏнман, йастәс: «Савл хӑнам ху! Йушән, хŏԓща нӑӈ шушсән, нӑӈ хŏщайэн этԓыйәм Турәм Куща Иисус, мӑнэм китсәԓы, нӑӈ сэмәӈа ат йисән пӑ Йэмәӈ Ԓыԓән ат тэкәтсайән».