Acts 2:22 - Хӑнты Перевод Библии

²² Израиль йох! Тӑм йасӈәт хуԓәнтаԓән: Иисус, Назарет вош хŏйат, Турәм эԓты нынана йурәӈ пӑ вантыԓԓаӈәԓ верәт пӑ йэмәӈ посәт сӑхат ватәԓтәм Ху, щитәт Турәм Ԓўв мŏхтэԓ нын кўтәнән верәс, хŏты нын щи уйәтԓәԓән,

Acts 2:22 ပူးပေါင်းရင်းမြစ်များ

Luke 11:20

Ма Турәм йурән кўԉәт воштәԓәм ки, уйәтман Турәм Хон Уԓәпса нын хŏщайән йŏхтәс.

Luke 18:37

Ԓўвеԓа йастәса, щит Иисус Назарет эԓты йиԓ.

Luke 24:18

Итәԓ, Клеопа нэмпи хŏйатәԓ, Ԓўвеԓа йастәс: "Пӑрмŏԓтты Нӑӈ туп утща, Иерусалим воша йŏхтәм хŏйатәт эԓты, ӑт уйәтԓән тӑм хӑтԓәтән щита тыйәм вер эԓты?"

Acts 13:16

Павел, нŏх ԓойман пӑ йошәԓән пос верман, йастәс: «Израиль йох пӑ Турәм эԓты пӑԓты мŏхет! Хуԓәнтаты.

Acts 14:27

Щи йŏхәтман пӑ пойәкщәты мŏхет йӑха ӑкәтман йўпийән, ԓын хŏԓ иса пŏтәртсәԓән, мўй ԓын пиԓәнән Турәм верәс пӑ мўй щирән Ԓўв эвәԓты вер ов па рут мира пел пўшсәԓы.

Acts 2:19

Щӑԓта вантыԓԓаӈәԓ верәт нумән турәм хӑрийән пӑ йэмәӈ посәт иԓән мўвән, ўр пӑ тўт пӑ пусәӈ пŏлыйәпса этәԓтәԓәм.

Acts 2:43

Кашәӈ сӑмән пӑԉщәм ус; щӑԓта ар вантыԓԓаӈәԓ верәт пӑ йэмәӈ посәт Иерусалимән апостоләт мŏхты тыйсәт.

Acts 21:28

ўвман: «Израиль йох, ԋотаты! Тӑм хŏйат арат тӑхайән мŏхет мирэва пӑ Закона пӑ тӑм тӑхайа ӑт рӑхты щирән утәԓтәԓ; Щи тўмпийән грекәт Турәм Хота тус пӑ тӑм йэмәӈ тӑха щопитсәԓы».

Acts 22:8

Ма йŏхԓы йастәԓәм: "Хŏй Нӑӈ, Турәм Куща?" Ԓўв мӑнэма йастәс: "Ма Назарет эԓты уԓты Иисус, Хŏй нӑӈ ԋухәԓԓэн".

Acts 24:5

Мўӈ тӑм хŏйат рома уԓты щир ԓыԓәтты ŏта ԓўӈәтԓэв, ԓўв - иудейәт кўтән керәтман мўв ԓŏватән йэшащты вер пеԓа ŏх ху. Ԓўв Назарет эԓты уԓты Иисус ӑт рӑхты утәԓтәпса пеԓа уԓты ŏх ху,

Acts 26:26

Хон щи верәт эԓты уйәтԓәԓы, хŏй йэщаԓт ма тŏрԓы пŏтәртԓәм. Ма йэша нэш ӑт эвәԓԓәм, ԓўв эԓтэԓ мŏԓты иса тӑм эԓты сайԓәман ат уса, тӑм ӑнта щуӈән ус.

Acts 26:9

Йӑна, ма ищи нумәссәм, мӑнэм Назарет эԓты уԓты Иисус нэм йэщаԓт йэшащты ар мосәԓ.

Acts 3:12

Петра щит шийаԓәмаԓ кемән мир пеԓа йастәс: «Израиль йох! Мўй тӑми эԓты пакәнԓәты, мўй мўӈ пеԓайэв ватԓәты, ищи мӑтты ки мин йурԓәмәнән мўй пӑ йӑмԓәмәнән щиты версэмән, ԓўв шушиԓыйәԓ?

Acts 3:6

Туп Петра йастәс: «Щел ŏх пӑ сорԋи ма ӑт тӑйԓәм; мўй тӑйԓәм, щит нӑӈен мӑԓәм: Назарет эԓты уԓты Иисус Христос нэм хўватән ԓойа пӑ шушиԓыйа».

Acts 4:10

нын хŏԓ пӑ хŏԓ Израиль мир уйтаԓән: тӑм хŏйат ин нын йэԓпанән тўмтака ԓойәԓ Назарет эԓты уԓты Иисус Христос нэм хўват, Хŏй нын пернайа сэксәԓән пӑ Хŏй пӑрәм эԓты Турәмән нŏх ԓыԓӈатса!

Acts 5:35

ԓывиԓаԓа пӑ йастәс: «Израиль йох! Нын щирәнән тӑм хŏйатәт эԓты нумәсаты, мўй нынан ԓыв пиԓԓаԓән верты.

Acts 6:14

Мўӈ хуԓԓысэв, хŏты ԓўв пŏтәртәс, мӑтты Назарет эԓты уԓты Иисус тӑм Турәм хот шўкатԓәԓы пӑ мўӈева Моисейән мийәм уԓәпса щирәт па щира верԓәԓы».