Acts 18:7 - Хӑнты Перевод Библии

⁷ Павел иудейәт пойәкщәты хот эԓты ким этәс пӑ ванән уԓты хота ԓŏӈәс, хŏта Иуст нэмпи ху, Турәм пеԓа сӑмәӈ ŏт, ус.

Acts 18:7 ပူးပေါင်းရင်းမြစ်များ

Acts 10:2

хот тэԓәԓ пиԓән Турма эвәԓты хŏйат пӑ Турәм эԓты пӑԓты хŏйат, мира ар йӑм верыԓыйәс пӑ иса Турәм пеԓа пойәкщәс.

Acts 10:22

Ԓыв пӑ йастәсәт: «Корнилий сот ԉаԉ йох куща, йӑм сӑмпи пӑ Турәм эԓты пӑԓты ху, иудея мирән хŏԓ йӑма нумман тӑйԓа, йэмәӈ ангел эԓты ԓўв хотәԓа нӑӈен вохты партәпса йŏхтәс пӑ нӑӈ пŏтәрԓан хуԓәтты».

Acts 13:42

Ԓын иудейәт пойәкщәты хот эԓты ким этман пŏрайән па рут йохәтән па шаббат хӑтәԓән щит эԓты пŏтәртты партсайӈән.

Acts 13:43

Хун пӑ ӑктәщийәм хŏйатәт лакки эсәԓсайәт, ар пеләк иудей йох пӑ па рут эԓты иудейәт щира эвԓәптәм Турәм пеԓа сӑмәӈ ŏтәт Павел пӑ Варнава йўпи туԓәт. Ԓын, ԓыв пиԓԓаԓән пŏтрэмәман, ԓывиԓаԓ Турәм йӑм хŏща уԓты нŏмәс такапсәтән.

Acts 13:50

Туп иудейәт, Турәм пеԓа сӑмәӈ, ԓӑтәӈ нэӈәт пӑ вошән ŏха уԓты хŏйатәт хўщмәмеԓ йўпийән, Павел пӑ Варнава пеԓа воштәты нŏмәс версәт пӑ уԓты тӑхайән эԓты ԓынан воштәсэԓ.

Acts 16:14

Ԓыв кўтэԓән Фиатир вош эԓты Лидия нэмпи и нэ ус, ԓўв тынәӈ питы ўрты щӑшканәт тыныйәс. Лидия Турәм пеԓа сӑмәӈа ус, пӑ Павел мўй пŏтәртәс, Турәм Кущайән ԓўв сӑмәԓ щи пеԓа пел пўшса.

Acts 17:4

Щӑԓта ԓыв эԓтыԓаԓ тухәԓԓаԓ эвәԓсәт пӑ Павел пӑ Сила пеԓа пайтәссәт, хŏты грекәт эԓты, Турәм пеԓа сӑмәӈ хŏйат щи арат ар, и щиты пӑ ԓӑтәӈа уԓты нэӈәт эԓты йӑм арат.