Acts 18:6 - Хӑнты Перевод Библии

⁶ Хун пӑ ԓыв ԓўвеԓ йэртԓыты пӑ ԓўвеԓа атма йастәты питсәт, ԓўв ԓумтәмԓаԓ иԓ пӑркатмаԓ кемән, ԓывиԓаԓа йастәс: «Нын кӑԓыԓән нын ŏх пӑтԓәнән; ма сыстам; тӑԓта йэԓԓы па рут мир хŏща мӑнԓәм».

Acts 18:6 ပူးပေါင်းရင်းမြစ်များ

Luke 22:65

Па ар сыр атәм йасәӈ Ԓўв пеԓайәԓ йастәсәт.

Luke 9:5

Хŏта вана ӑт ки ўԓайты, щи вош эԓты эттанән, кўрԓән эԓты хиш иԓ пӑркатаԓән. Щит ԓывиԓаԓа нўра ат питәԓ".

Acts 13:51

Ԓын пӑ, кўрԓын эԓты хиш ԓывиԓаԓа пӑркатман, Икония воша мӑтсәӈән.

Acts 26:11

Пӑ хŏԓ иудейәт пойәкщәты хотәтән ма ар пўш ԓывиԓаԓ шукатысԓам пӑ Иисус атма айәԓты иԉамтысԓам пӑ, ԓыв пеԓайэԓ шек ԉикащман, хŏԓна пӑ па мўв вошәтән ԋухәтԓысԓам.

Acts 26:20

туп оԓәӈән Дамаск пӑ Иерусалимән уԓты мŏхета, йухәт Иудея ԓŏватән уԓты мŏхета пӑ па рут мира пŏтәртсәм, ԓыв кӑрэк эԓты шӑшән ат керԓәсәт пӑ Турәм пеԓа ат керԓәсәт, кӑрэк эԓты шӑшән керԓәты арат ԓӑт тӑйты верәт верман.

Acts 28:28

Щиӈәԋща, нынана ԓэр ат питәԓ, Турәм нŏх пайәтты щир па рут мира китса: ԓыв щи хуԓԓэԓ».