Acts 17:2 - Хӑнты Перевод Библии

² Павел, ԓўв уԓԓытаԓ щирәԓән, ԓыв хŏщайэԓа ԓŏӈәс пӑ хуԓәм шаббат хӑтәԓ и йўпийән Йэмәӈ Нэпек эԓты ԓыв пиԓԓаԓән пŏтәртәс,

Acts 17:2 ပူးပေါင်းရင်းမြစ်များ

Luke 4:16

Иисус Назарета, энмәм вошәԓа, йŏхтәс, пӑ шаббат хӑтәԓән, Ԓўв уԓтаԓ иты, Турәм йасӈа утәԓтәты хота ԓŏӈәс, пӑ щита Йэмәӈ Нэпек эԓты сыйәӈа ԓуӈәтты ԓойәс.

Acts 13:14

Ԓын пӑ, Пергия эԓты мӑнман, Писидия ԉэпән уԓты Антиохияйа йŏхәтсәтән пӑ, иудейәт пойәкщәты хота шаббат хӑтәԓән ԓŏӈман итән, иԓ омәссәтән.

Acts 13:5

Щӑԓта Саламинән уԓман, иудейәт пойәкщәты хотәтән Турәм йасәӈ пŏтәртсәтән; ԓын ԉэпәнән Иоанн па ус, ԓынана ԋотты урәӈән.

Acts 14:1

Иконияйән ԓын и йӑха иудейәт пойәкщәты хота ԓŏксәӈән пӑ щиты пŏтәртсәӈән пӑ щи арат ар иудейәт пӑ грекәт эвәԓсәт.

Acts 17:10

Хӑнам йохәт пӑ ищи мŏхты атәԓән Павел пӑ Сила Верия воша китсэԓ, хŏԓта ԓын йŏхәтман кемән, иудейәт пойәкщәты хота мӑтсәӈән.

Acts 17:17

Щиӈәԋща, ԓўв иудейәт пойәкщәты хотән иудейәт пиԓән пӑ Турәм сӑмәӈа тӑйты грек йох пиԓән, пӑ кашәӈ хӑтәԓ вош хӑрийән уйтантыԓыты хŏйатәт пиԓән нумәссәс.

Acts 18:4

Кашәӈ шаббат хӑтәԓән ԓўв иудейәт пойәкщәты хотән иудейәт пӑ грекәт пиԓән пŏтәртәс пӑ ԓывиԓаԓ таӈиԓысԓы.

Acts 19:8

Иудейәт пойәкщәты хота йŏхәтмаԓән, ԓўв, ӑт хурыман, хуԓәм тыԓәщ утәԓтәс, Турәм Хон Уԓәпса эԓты пŏтрэмәман пӑ эвԓәптәман.

Acts 24:25

Пӑ хун ԓўв вещкат вер эԓты, йŏхи шаващты вер эԓты пӑ йиты Турәм сўт эԓты пŏтәртәс, Феликс пӑԉщәмән йŏхәтса пӑ йастәс: «Ин мӑна, хун пӑ кум шитԓәм, нӑӈен вохԓэм».

Acts 28:23

Щӑԓта, ԓўвеԓа аԉәм хӑтәԓән, йӑм ар хŏйат ԓўв хŏщайәԓ хоԓты хотәԓа йŏхтәс; пӑ ԓўв аԓәӈсӑхат эԓты йэтән унты ԓывиԓаԓа Турәм Хон Уԓәпса эԓты пŏтәртәс. Вантәм верәт этәԓтыйәс пӑ ԓывиԓаԓ эвԓәптәман, Моисей Закон пӑ Турәм айкеԓ туты хŏйатәт нэпекәт эԓты ўйман, Иисус эԓты пŏтәртәс.

Acts 8:35

Филипп ўӈԓәԓ пел пўшсәԓы пӑ, тӑм Хӑншәм Ŏт эԓты ўйман, ԓўвеԓа Иисус эԓты Йӑм Айкеԓ тус.

Acts 9:20

Пӑ щи пўԉаӈ иудейәт пойәкщәты хотәтән Иисус эԓты айкеԓ туты питәс, «Ԓўв – Турәм Пŏх».