Acts 17:18 - Хӑнты Перевод Библии

¹⁸ Ԓўв пиԓәԓән тухәԓ эпикур пӑ стоик ашкуԓайәт эԓты уԓты нŏпсәӈ йох пŏтрэмәты питыԓысәт. Итԓаԓ иԋщәссәт: «Мўй пӑ щи авашты ŏт йастәты ԓӑӈхаԓ?», па ŏтәт пӑ: «Иԓампа, ԓўв па мўв хŏйатәт ԓуӈхәт эԓты утәԓтәԓ», ԓўв ԓывиԓаԓа Иисус пӑ нŏх ԓыԓәӈԓәты вер эԓты Йӑм Айкеԓ тус, щишән.

Acts 17:18 ပူးပေါင်းရင်းမြစ်များ

Luke 11:53

Хун Ԓўв щит пŏтәртәс, Закона утәԓтәты хŏйатәт пӑ фарисейәт мет такан ўшмащты питсәт, Ԓўвеԓ ар вер эԓты апрәӈа иԋщәсты питсэԓ.

Acts 26:23

тŏрԓы ки, мӑтты Христоса шук туты мосәс пӑ, мет оԓӈа парәм эԓты нŏх ԓыԓәӈԓәмаԓ йўпийән, мўӈ мирэва пӑ па рут мира нŏви такан айәԓтты мосәс».

Acts 4:2

щит пеԓа ԉикихурыйа уԓман, мўйа ԓын мир утәԓтәԓԓән пӑ пӑрәм эԓты Иисус иты нŏх ԓыԓәӈԓәты вер айәԓәтән;

Acts 5:42

Щӑԓта кашәӈ хӑтәԓ Турәм Хотән пӑ хотәтән Иисус Христос эԓты утәԓтәты пӑ Йӑм Айкеԓ туты ӑт вŏԓыԓысәт.

Acts 6:9

Тухәԓ, щиты айәԓты Либертинәт, пӑ Киринейәт, пӑ Александрийәт иудейәт пойәкщәты хот эԓты уԓты мŏхет, пӑ тухәԓ Киликия пӑ Асия эԓты уԓты мŏхет, Стефан пиԓән ўра вортты питсәт;