Acts 15:7 - Хӑнты Перевод Библии

⁷ Хув нумәсмеԓ йўпийән Петра, нŏх ԓойман, ԓывиԓаԓа йастәс: «Хӑнам йох! Нын уйәтԓәты, Турәм оԓәӈ хӑтԓәт эԓты мўӈ эԓтэв мӑнэм пирысԓы, ма ўӈԓэм эԓты па рут мир Йӑм Айкеԓ йасәӈ ат хуԓсәт пӑ ат эвәԓсәт;

Acts 15:7 ပူးပေါင်းရင်းမြစ်များ

Acts 1:16

сот хус кем хŏйат йӑха ӑктәщиты щир ус: «Хӑнам йох! Щита тыйты мосәс, мўй Йэмәӈ Нэпекән Йэмәӈ Ԓыԓ Давид ўӈәԓән Иуда эԓты йастәс. Иисус ԋӑрэмәм ŏтәт хŏща ԓўв ŏха ус;

Acts 1:24

Щӑԓта пойәкщәсәт пӑ йастәсәт: «Нӑӈ, Турәм Куща, кашәӈ хŏйат сӑм уйәтԓән, тӑм кӑтӈән эԓты итәԓ, Нӑӈ пирыйәм ŏтэн, аԉи,

Acts 10:19

Петра вантәм ŏтәԓ эԓты нумисытаԓ кўтән, Йэмәӈ Ԓыԓ ԓўвеԓа йастәс: «Тӑм, хуԓәм хŏйат нӑӈен кӑшԓәт;

Acts 10:20

ԓойа, иԓ ŏхԓа пӑ ԓўв пиԓԓаԓән, йэша нэш ӑт нŏмәнԓыман, мӑна; ԓывиԓаԓ Ма китсәԓам».

Acts 13:2

Хун ԓыв Турәм Кущайа верәт версәт пӑ вўщԓәсәт, Йэмәӈ Ԓыԓ йастәс: «Варнава пӑ Савл Мӑнэма щи вер пеԓа мийаԓән, мўй урәӈән Ма ԓынан вохсәԓам».

Acts 15:14

Симон аԉиԓысԓы, хŏты Турәм оԓәӈән па рут мир пеԓа ӑӈкәрмәс, щитԓаԓ эԓты Ԓўв нэмәԓ урәӈән мир ӑкәтты.

Acts 15:2

Хун пӑ нŏмәс ар щира пӑ мŏԓты кем ўра ворты вер ԓыв пиԓԓаԓән Павел пӑ Варнава хŏща тыйәс, Павела пӑ Варнавайа пӑ ԓыв кўтэԓ эԓты па тухәԓ йохәта Иерусалима мӑнты пŏтсайәт пӑ апостоләт пӑ уна уԓты икет пиԓән тӑм вер эԓты пŏтрэмәты.

Acts 15:39

Тӑм эԓты нŏпса ӑт ԓэщаԓәты вер тыйәс, щишән ԓын кўтанән кӑтна мӑтсәӈән; щӑԓта Варнава, Марк ўйман, Кипр пеԓа нык хўвԓәс;

Acts 20:24

Туп ма нэмәԓты пеԓа ӑт ӑӈкәртыԓәм пӑ ма ԓыԓэм ӑт шавиԓэм, туп, амәтман, ԓўԓән мӑ йушем мӑнты пӑ Турәм Кущайән Иисусән мийәм ма верэм йэтшәптәты ат верәтсэм, Йӑм Айкеԓ Турәм йӑм эԓты пŏтәртты.

Acts 21:16

Мўӈ пиԓэвән тухәԓ утәԓтәты йох Кесария эԓты па шушсәт. Ԓыв мўӈев Мнасон Кипр ху, хўв тэԓән утәԓтәты ху, хота тусэԓ, хŏй хŏща мўӈев ԓуԓән уԓты рӑхәс.

Acts 3:18

Турәм пӑ хŏты Ԓўв хŏԓыйэ Турәм айкеԓ туты хŏйатԓаԓ уӈәԓән Христос шукащты вер йастәс, щиты пӑ щи версәԓы.

Acts 4:25

Нӑӈ мўӈ Давид ащев, Нӑӈ митхуйэн, ўӈәԓән Йэмәӈ Ԓыԓэнән йастәсән: 'Мўй урәӈән па мирәт рома уԓты ӑт верәтԓәт, пӑ ԓыв таԓ нŏмәс туты ўтщиԓәт?

Acts 9:15

Туп Турәм Куща ԓўвеԓа йастәс: «Мӑна, ԓўв Ма пирыйәм пўтэм, Ма нэмем мир пӑ хонәт пӑ Израиль пŏхәт йэщаԓт такан йастәты урәӈән.