Acts 14:3 - Хӑнты Перевод Библии

³ Пӑ хŏты, ԓын щита йӑм хўват усӈән. Ԓын Турәм Куща эԓты хӑрщийа пŏтәртсәӈән, Хŏй Ԓўв йӑмәԓ йасәӈ ныты урәӈән, ԓын йошԓәнән йэмәӈ посәт пӑ вантыԓԓаӈәԓ верәт верәс.

Acts 14:3 ပူးပေါင်းရင်းမြစ်များ

Acts 13:46

Щиӈәԋща Павел пӑ Варнава такан йастәсӈән: «Нынана оԓәӈән Турәм йасәӈ пŏтәртты мосәс, туп хŏты нын Турәм йасәӈ пўӈԓа ушиԓԓән пӑ нынан нын и пўша уԓәпсайа ӑт рӑхтыйа верԓәԓән, щишән, мўӈ па рут йох пеԓа йастәԓув».

Acts 2:22

Израиль йох! Тӑм йасӈәт хуԓәнтаԓән: Иисус, Назарет вош хŏйат, Турәм эԓты нынана йурәӈ пӑ вантыԓԓаӈәԓ верәт пӑ йэмәӈ посәт сӑхат ватәԓтәм Ху, щитәт Турәм Ԓўв мŏхтэԓ нын кўтәнән верәс, хŏты нын щи уйәтԓәԓән,

Acts 20:24

Туп ма нэмәԓты пеԓа ӑт ӑӈкәртыԓәм пӑ ма ԓыԓэм ӑт шавиԓэм, туп, амәтман, ԓўԓән мӑ йушем мӑнты пӑ Турәм Кущайән Иисусән мийәм ма верэм йэтшәптәты ат верәтсэм, Йӑм Айкеԓ Турәм йӑм эԓты пŏтәртты.

Acts 20:32

Пӑ ин нынан, хӑнам йох, Турма пӑ Ԓўв йӑмәԓ эԓты уԓты йасӈа эвԓәптәԓԓам, хŏй нынан утәԓтәты пӑ нынана Ԓўв йэмәӈ мирәԓ кўтән ŏх вŏԓ мӑты верәтәԓ.

Acts 4:31

Щӑԓта, ԓыв пойәкщәмеԓ йўпийән, хŏта ԓыв ӑкәтман усайәт, щи тӑхайэԓ ԋŏхԓыйәс, пӑ хŏԓыйэ Йэмәӈ Ԓыԓән тэкәтсайәт, пӑ Турәм йасәӈ хурԓы пŏтәртсэԓ.

Acts 5:32

Ԓўв хŏщайәԓ иса тӑм вантәм ŏтәт мўӈ пӑ Йэмәӈ Ԓыԓ, Хŏйтаԓ Турәм щитәта мӑс, хŏй Ԓўвеԓа хуԓәтәԓ».