Acts 11:5 - Хӑнты Перевод Библии

⁵ «Иоппия вошән ма пойәкщәсәм пӑ щи пўԉаӈ вантәпса ватсәм: и мŏԓтты пўт иԓ эсԓәщәс, ищи мӑтты ун сŏх лопәс, ԋӑԓ щуӈәԓ сӑхат турәм хӑр эԓты иԓ эсәԓты ŏт, пӑ ма хŏщайэм иԓ эсԓәщәс.

Acts 11:5 ပူးပေါင်းရင်းမြစ်များ

Acts 22:17

Хун пӑ ма Иерусалима йŏхԓы йŏхәтсәм пӑ Турәм Хотән пойәкщәсәм, мӑ вантәпса ватсәм

Acts 9:10

Дамаскән и утәԓтәты хŏйат ус, нэмәԓән Анания; пӑ Анания вантәм верәԓ хŏща Турәм Куща ԓўвеԓа йастәс: «Анания!» Ԓўв йастәс: «Тӑм Ма, Турәм Куща».

Acts 9:36

Иоппия вошән и утәԓтәты нэ ус, нэмәԓ Тавифа - щит «газель»; ԓўв сӑмәӈ верәтән тэкәнман уса пӑ ар йӑм вер верәс.

Acts 9:38

Лидда пӑ Иоппия вош ԉэпән ванән ус, утәԓтәты йох Петра щита уԓты хуԓмеԓ кемән, ԓўв хŏщайәԓ кӑт хŏйат китсайтән, ԓўвеԓ вохты, ԓыв хŏщайэԓ йŏхәтты ԓўв ӑт ат рŏнәс.

Acts 9:42

Тӑм вер Иоппия ԓŏватән иса уйәтты питса, пӑ ар хŏйат Турәм Кущайа эвԓәс.