Acts 10:41 - Хӑнты Перевод Библии

⁴¹ ӑнта хŏԓ мира, туп вантәм ŏтәта, Турәм эԓты пирыйәм хŏйатәта, мўӈева, пӑ мўӈ Ԓўв пиԓәԓән ԓэсув пӑ йищсув, щи йўпийән, хун Ԓўв пӑрмаԓ эԓты нŏх ԓыԓәӈԓәс.

Acts 10:41 ပူးပေါင်းရင်းမြစ်များ

Luke 24:30

Пӑ хун Ԓўв ԓын пиԓәнән пӑсан сурыйән омәсмаԓән, ԋаԋ ўйман, Турма пумащипа йасӈәт йастәс, ԋаԋ морәтсәԓы пӑ ԓынана мӑсԓы.

Luke 24:48

Нын пӑ иса щи верәт вантәм хŏйатәта уԓты питԓәты.

Acts 1:22

Иоанн йиӈка ԓŏӈәԓтыты вер уш эԓты пӑ щи хӑтәԓ унты, хун Ԓўв мўӈ эԓтэв нŏх ўса. Ԓўв и щиты Иисус нŏх ԓыԓәӈԓәм вер хŏща мўӈ пиԓэвән ватты ŏта ат ус».

Acts 1:4

Щӑԓта, ԓывиԓаԓ йӑха ӑкәтман, Ԓўв ԓывиԓаԓа партсәԓԓы: «Иерусалим эԓты аԓ мӑнаты, Ащэм аԉәм ŏт ԓавԓаты, хŏты Ма эԓтэм хуԓԓысты,

Acts 10:39

Мўӈ пӑ щит хŏща иса вантәм ŏтәт, мўй Ԓўв Иудея мўвән пӑ Иерусалимән верәс, пӑ мет йухәт Ԓўв, акԓа нŏх сэкман, пӑратса.

Acts 13:31

Ԓўв ар хӑтәԓ хўват щитәта этԓыйәс, хŏй Ԓўв пиԓәԓән Галилей эԓты Иерусалима этәс пӑ хŏй ин мир йэԓпийән Ԓўвеԓ вантәм ŏтәта уԓԓәт.