Acts 1:8 - Хӑнты Перевод Библии

⁸ нын йур вана ўԓты, хун нын хŏщайән Йэмәӈ Ԓыԓ ŏхәԓәԓ; пӑ Иерусалимән пӑ иса Иудея пӑ Самария ԓŏватән хŏԓна пӑ мўв кимәԓ унты Мӑнэм вантәм хŏйатәта уԓты питԓәты».

Acts 1:8 ပူးပေါင်းရင်းမြစ်များ

Luke 1:35

Ангел йŏхԓы йастәс: "Йэмәӈ Ԓыԓ Нӑӈ хŏщайэн эсԓәщәԓ пӑ Нўм Турәм йурән йŏхәтԓайән, щишән сэма пайәтты йэмәӈ Ԋаврэмийэн Турәм Пŏха айәԓтты питԓа.

Luke 10:19

Ин щи ма нынана, ŏхты войәт эԓты, скорпион войәт эԓты па хŏԓ хиԋ йурәт эԓты пурәтты щир мӑсәм пӑ нэмәԓты хŏтащ ӑт йиԓты.

Luke 24:29

Туп ԓын Ԓўвеԓ иԓ вŏԓәтԓәԓән, пŏтәртман: "Мин пиԓэмән хӑща, хӑтәԓ йэтән пеԓа мӑнты питәс". Щӑԓта Ԓўв хота ԓŏӈәс пӑ ԓын пиԓәнән хӑщәс.

Acts 1:22

Иоанн йиӈка ԓŏӈәԓтыты вер уш эԓты пӑ щи хӑтәԓ унты, хун Ԓўв мўӈ эԓтэв нŏх ўса. Ԓўв и щиты Иисус нŏх ԓыԓәӈԓәм вер хŏща мўӈ пиԓэвән ватты ŏта ат ус».

Acts 1:5

Иоанн йиӈка ԓŏӈәԓтыйәс, нын пӑ, тӑми йўпийән кӑмәтса хӑтәԓ кемән Йэмәӈ Ԓыԓа ԓŏӈәԓтты питԓайты».

Acts 13:31

Ԓўв ар хӑтәԓ хўват щитәта этԓыйәс, хŏй Ԓўв пиԓәԓән Галилей эԓты Иерусалима этәс пӑ хŏй ин мир йэԓпийән Ԓўвеԓ вантәм ŏтәта уԓԓәт.

Acts 2:32

Турәм Тӑм Иисус нŏх ԓыԓӈатсәԓы, щит хŏща мўӈ хŏԓ вантәм хŏйатәта усув.

Acts 22:15

Нӑӈ Ԓўвеԓа хŏԓ хŏйатәт йэԓпийән вантәм ŏта питԓән, щит эԓты, мўй ватсән пӑ хуԓсән.

Acts 3:15

Уԓәпса Куща пӑ веԓсәԓән. Тӑми, Турәмән пӑрмаԓ эԓты нŏх ԓыԓӈатса, мўй хŏща мўӈ вантәм ŏтәта уԓԓув.

Acts 4:33

Апостоләт пӑ ун йурән Турәм Куща Иисус Христос нŏх ԓыԓәӈԓәм эԓты пŏтәртсәт; пӑ вŏԓаӈ йӑм хŏԓыйэ ԓыв пиԓԓаԓән ус.

Acts 5:32

Ԓўв хŏщайәԓ иса тӑм вантәм ŏтәт мўӈ пӑ Йэмәӈ Ԓыԓ, Хŏйтаԓ Турәм щитәта мӑс, хŏй Ԓўвеԓа хуԓәтәԓ».

Acts 6:8

Стефан пӑ, эвәԓты верән пӑ йурән тэкәнман, вŏԓаӈ вантыԓԓаӈәԓ верәт пӑ йэмәӈ посәт мир хŏща верәс.

Acts 8:1

Савл пӑ Стефан пӑратты вер пеԓа такан ус. Щи хӑтԓәтән Иерусалимән пойәкщәты хŏйатәт ӑктәщиты вер пеԓа вŏԓаӈ ун ԋухәтԓыты щир тыйәс; пӑ хŏԓ, апостоләт тўмпийән, Иудея пӑ Самария ԓŏвата лакки мӑтсәт.