Acts 1:2 - Хӑнты Перевод Библии

² щи хӑтәԓ унты, хун Йэмәӈ Ԓыԓ сӑхат Ԓўв пирыйәм апостолԓаԓа партәпсайәт мийман, Ԓўв турма нŏх ўйман уса.

Acts 1:2 ပူးပေါင်းရင်းမြစ်များ

Luke 24:51

пӑ, хун ԓывиԓаԓ йӑмән миймаԓ сыс щи кемән ԓыв эԓтэԓ йэԓ мӑнты пӑ турма нŏх пайтәсты питәс.

Luke 9:51

Хун Ԓўвеԓ мир уԓәпса эԓты нŏх ўты пŏра ванамәс, Ԓўв Иерусалим воша мӑнты нŏмәс верәс;

Acts 1:11

пӑ йастәсӈән: «Галилея йох! Мўй нын ԓойԓәты пӑ турәм хӑр пеԓа ватԓәты? Тӑм Иисус, нын эԓтан турма нŏх ўйәм Ŏт, тӑм иты щи йŏхәтәԓ, хŏты нын Ԓўвеԓ турма эԓԓәтаԓ ватсәԓән».

Acts 1:13

Щӑԓта, йŏхԓы йŏхәтмеԓ йўпийән, нўм хот йӑта, хŏта уԓԓысәт, нŏх мӑтсәт: Петр пӑ Иаков, Иоанн пӑ Андрей, Филипп пӑ Фома, Варфоломей пӑ Матфей, Иаков Алфей пŏх пӑ Симон Зилот, пӑ Иуда, Иаков пŏх усәт.

Acts 1:22

Иоанн йиӈка ԓŏӈәԓтыты вер уш эԓты пӑ щи хӑтәԓ унты, хун Ԓўв мўӈ эԓтэв нŏх ўса. Ԓўв и щиты Иисус нŏх ԓыԓәӈԓәм вер хŏща мўӈ пиԓэвән ватты ŏта ат ус».

Acts 1:9

Щит йастәмаԓ кемән, ԓыв ватман, Ԓўв нŏх эԓәтса, пӑ пӑԓәӈән ԓыв сэмԓаԓ эԓты лӑп ўса.

Acts 10:38

Хŏты Турәм Назарет эԓты уԓты Иисус Йэмәӈ Ԓыԓән пӑ йурән ԋŏсәтсәԓы. Пӑ Ԓўв йӑм верман пӑ хŏԓ хŏйатәт, хŏй хиԋән катәԓман усайәт, тўмтака верман, йӑӈхәс, Турәм Ԓўв пиԓәԓән ус, щишән.