RUTH 3:9 - KA BAIBL

⁹ Te u la kylli, “Mano?” Ka te ka la ïathuh, “Nga ka Ruth ka shakri jong me: namar kata, to tap ïa la ka jaiñ halor ka shakri jong me; naba me long u kur jong nga uba hajan.”

Khasi CL Bible (BSI)

⁹ “Pha dei kaei?” u kylli. “Kynrad, nga dei ka Ruth,” ka jubab. “Namar ba phi dei u ba-ha-ïing uba ïajan eh, phi don jingkitkhlieh ban ri sumar ïa nga. Kumta sngewbha ban shongkurim ïa nga.”

RUTH 3:9 ပူးပေါင်းရင်းမြစ်များ

ESEKIEL 16:8

“ ‘Te haba nga la ïaid najan jong pha, bad nga la khmih ïa pha, ha khmih, ka por jong pha ka la long ka por ka jingieit; te nga la pynkup ïa la ka jaiñ halor jong pha, bad nga la tap ïa ka jinglyngkhuit jong pha: shisha, nga la smai ha pha, bad nga la ïateh ka jutang bad pha,’ ” ong U Trai U Blei, “bad pha long ka jong nga.

LOUKAS 14:11

Naba ïa uno uno baroh uba pynkhraw ïa lade, yn pynpoh; te ïa uba pynpoh ïa lade, yn pynkhraw.”

RUTH 2:20

Ka Naomi te ka la ïathuh ha la ka pyrsa kurim, “To un long ba la kyrkhu na U Trai, u bym shym la wai noh ïa la ka jingleh isynei ïa ki ba-im bad ïa ki baïap ruh.” Ka Naomi ka la ong ruh ha ka, “Uta u briew u long u kur bajan ïa ngi, uba don hok ïa ka ban siewspah na ka bynta jong ngi.”

RUTH 3:10

U te u la ong, “Ko khun, to long pha ïa kaba la kyrkhu na U Trai: namar pha la pyni kham bun ka jinglehsbun ha ka bakut ban ïa ha ka banyngkong, naba pham shym leit beh ïa ki samla shynrang ki baduk lymne ki bariewspah.

RUTH 3:12

Te ka long kaba shisha keiñ ba nga long u kur uba hajan: la kumta ruh don uwei pat u kur uba kham jan ban ïa nga.

RUTH 3:8

Te ha kaba shiteng synñia, uta u briew u la sngewkyndit, bad u la kylla: te, ha khmih, ka kynthei ka thiah ha ki sla'jat jong u.

RUTH 4:4

Bad nga la pyrkhat ban ïathuh ha me, da kaba ong, To thied ïa ka ha khmat kita kiba shong hangne, bad ha khmat ki tymmen basan ki briew jong nga. Lada men siewspah ïa ka, to siewspah: hynrei, lada men ym siewspah ïa ka, to ïathuh ha nga, ba ngan ïoh tip keiñ: naba nalor jong me ym don shuh u ban siewspah ïa ka; te hadien jong me sa ma nga.” U te u la ong, “Ngan siewspah keiñ.”

RUTH 4:6

Te uta u kur bajan u la ong, “Nga ngam lah ban siewspah ïa ka ha lade, ïoh ba ngan pynsniew ïa la ka jong ka bynta: to shim ma me ha lade ïa ka hok jong nga ban siewspah; naba nga ngam lah ban siewspah ïa ka.”

1 SAMUEL 25:41

Te ka la ïeng, bad ka la dem ngon haduh khyndew, bad ka la ong, “Ha khmih, ka shakri jong me kan long ka shakri ïa ka ban sait ïa ki sla'jat ki shakri u kynrad jong nga.”