RUTH 2:3 - KA BAIBL

³ Te ka la leit, ka la wan ruh bad ka la tam Kew ha ka lyngkha nadien ki nongot: te ka la jia ryngkhat ba kata ka bynta na ka lyngkha ka la dei ka jong u Boas, uba na ka ïing u Elimelekh.

Khasi CL Bible (BSI)

³ Kumta ka Ruth ka leit sha ki lyngkha bad ka ïaid nadien jong ki nongot, ka da tam ïa u kew uba ki ieh. Ka leit jia ryngkhat ba ka don ha ka lyngkha kaba dei ka jong u Boas.

RUTH 2:3 ပူးပေါင်းရင်းမြစ်များ

2 SAMUEL 1:6

Te uta u samla uba ïathuh ha u, u la ong, “Ka la jia ba nga don ha u lum Gilboa, te ha khmih, u Saul u la shaniah ha la u sum; ha khmih ruh, ki kali ïapom bad ki nongshong kulai ki ïabeh eh nadien jong u.

2 SAMUEL 20:1

Te la jia ba la don hangta u briew u Belial uba kyrteng “u Sheba”, u khun u Bikhri, u kynja Benjamin: une te u la put ïa ka ronsing, bad u la ong, “Ngi ngim don ka bynta ha u Dabid, lymne ngim don ka bynta ba hap ha u khun u Jesse: to uwei uwei baroh sha la ki ïingjaiñ, ko Israel.”

2 SYIEM 8:5

Bad katba u la dang ïathuh ïa u syiem kumno ba u la pynim pat ïa uta uba la ïap, te ha khmih, kata ka kynthei, kaba ïa u khun jong ka u la pynim, ka la ïam ha u syiem ban ïoh ïa la ka ïing bad ïa la ka khyndew. Bad u Gehasi u la ong, “Ko syiem kynrad, kane ka long kata ka kynthei, bad une u long u khun jong ka, ïa uba u Elisha u la pynim pat.”

MATHAÏOS 10:29

Kim ju die ar peisa ïa ki ar tylli ki sim ïing? hynrei, na kita, kawei kam hap ha khyndew khlem U Kpa jong phi.

LOUKAS 10:31

Te uwei u lyngdoh, da kaba jia ryngkhat u la wan hiar na kata ka lynti; bad haba u la ïohi ïa u, u la ïaid kiar noh sharud lynti.

2 THESSALONI 3:12

Hynrei, ïa kiba kum kita, ngi hukum bad ngi sneng da U Jisu Khrist uba U Trai jong ngi, ba kin da trei da kaba jar jar, bad bam la ka jong ka bam.

RUTH 2:2

Te ka Ruth ka nong Moab ka la ong ha ka Naomi, “To shah ïa nga ba ngan leit sha lyngkha, ban tam Kew nadien uta ba ngan shem sngewbha ha khmat jong u.” Ka ruh ka la ong ha ka, “Khie leit, khun.”

RUTH 2:4

Te, ha khmih, u Boas u la wan na Bethlehem, bad u la ong ha kita ki nongot, “To U Trai un long ryngkat bad phi.” Ki ruh ki la ïathuh ha u, “To U Trai un kyrkhu ïa me.”